影片
更多
2022-04-25
699 瀏覽
嚟到Grand Hyatt Steakhouse食佢嘅lunch set，每人$480，好豐富好多嘢食，個個都食到捧住個肚！相入面係兩個lunch set嘅份量，但都選擇可以叫A Lar Carte，十分flexible!Sliced Garlic Bread餐前包係蒜蓉包簡直係打響頭炮！麵包熱辣辣，蒜蓉牛油嘅香味好濃，離好遠都聞到！不過塊包似乎有少少太厚切，冇咗脆卜卜嘅口感，不過中間都係好鬆軟嘅。建議大家趁熱食，凍咗食都幾考牙力😂Tiger Prawn Cocktail Louis Sauce一上碟就俾啲肥蝦吸引咗🤣隻隻蝦都勁肥美，而且十分爽口，一啲粉狀嘅感覺都冇！食落口會略略食到有海水嘅咸味，不過絕對唔腥，係新鮮嘅證明！旁邊有檸檬同埋cocktail sauce，但我覺得咩都唔落就咁食已經好正了。底下仲有啲沙律菜，可以點啲Louis Sauce，咁就變咗Caesar Salad!Blue Mussels with Tomato Sauce呢個appetizer係專為蒜蓉包而設🤣個蕃茄湯好香，加咗herbs同紅酒，再有少少辣椒粉去吊味，完全可以當做一個湯去飲！青口大細平均，隻隻都好大
相入面係兩個lunch set嘅份量，但都選擇可以叫A Lar Carte，十分flexible!
Sliced Garlic Bread
餐前包係蒜蓉包簡直係打響頭炮！麵包熱辣辣，蒜蓉牛油嘅香味好濃，離好遠都聞到！不過塊包似乎有少少太厚切，冇咗脆卜卜嘅口感，不過中間都係好鬆軟嘅。建議大家趁熱食，凍咗食都幾考牙力😂
Tiger Prawn Cocktail Louis Sauce
一上碟就俾啲肥蝦吸引咗🤣隻隻蝦都勁肥美，而且十分爽口，一啲粉狀嘅感覺都冇！食落口會略略食到有海水嘅咸味，不過絕對唔腥，係新鮮嘅證明！旁邊有檸檬同埋cocktail sauce，但我覺得咩都唔落就咁食已經好正了。底下仲有啲沙律菜，可以點啲Louis Sauce，咁就變咗Caesar Salad!
Blue Mussels with Tomato Sauce
呢個appetizer係專為蒜蓉包而設🤣個蕃茄湯好香，加咗herbs同紅酒，再有少少辣椒粉去吊味，完全可以當做一個湯去飲！青口大細平均，隻隻都好大隻，冇沙，食得好乾淨好放心。不過啲青口就唔太吸收到啲湯啲精華，都係點蒜蓉包最好！
Lobster Bisque
呢個係額外加$35叫嘅，一個兩份share。湯係好香好稠身，不過就咸咗少少，吞落口會有少少嗆。但加埋面頭嘅cream飲就更creamy更smooth~
6oz Grass Fed Tenderloin
上mains嘅時候其實已經勁飽😂😂好彩只係6 oz，都算handle到。呢塊medium rare嘅tenderloin，我會話外面係煎得脆咗少少嘅，切到某啲位可能會稍韌。不過入面嘅肉層就剛剛好，食邊邊位確實好淋身，但就未至於入口即喇，但我都會話係好完滿🥳
Sides我哋揀咗個fries同smashed potato。薯條面頭仲加咗層芝士，真係不得了：smashed potato好滑身，不過就係太滑身，好多牛油，真係好飽🤣食完塊牛真係食唔到啲sides🤣
最後當然以甜品作結，好開心餐廳有記得birthday remarks，送咗嚿mini brownie俾我😆而後面就係我哋嘅set dessert key lime pie。牛油餅底包住酸酸嘅lemon mousse，加埋面頭嘅cream中和番，個味道就唔會俾酸蓋過哂了🥳不過都係太大嚿，最後係要打包😂
餐廳仲好窩心地幫我哋用相機影咗張相，再曬番出嚟用相卡入住，仲寫埋birthday greetings，淨係service都100分喇😆
張貼
