Y Show Tasty (已結業)

呢間尖沙咀嘅Y Show Tasty一直都係唔少人bookmark要去嘅💛店，今次終於有機會嚟試下，除咗招牌香烤乳豬之外，呢度有唔少人都會叫個火焰雪山🌋同朋友慶祝生日，睇得又食得，所以就算普通weekday都好旺場。呢度餐牌菜式選擇就比較狹窄，如果多元化啲就更好。帶子蟹肉濃湯呢度其中一個好受歡迎嘅菜式，2粒大大粒鮮甜厚肉嘅帶子加上蟹肉濃湯，湯頭味道鮮甜👌🏻招牌香烤乳豬每枱必叫嘅招牌菜式，乳豬超大件，幾個人share都ok，乳豬皮烤到脆卜卜，切落去嘅時候聲音好吸引😻😻除咗皮脆，入面嘅肉都幾嫩滑唔鞋，配埋有特色嘅蜜糖汁或酸汁食可以解膩😋紅酒燴羊膝大大件羊膝，煮到肉質好腍滑又唔柴，雖然無乳豬咁有記憶點，但味道甜甜地都唔錯😗香蒜欖油蝦肉意大利麵呢個就相對普通，意粉偏向港式做法，冇乜欖油香味。龍蝦蟹肉長通粉呢日無晒長通粉轉做闊條麵，面條質感唔錯不過可以再硬身啲，龍蝦有唔少肉幾新鮮，醬汁帶淡淡龍蝦味，可以再濃郁杰身啲。脆炸雞翼好香口外脆內juicy嘅雞翼，不過調味比較淡😅黑松露薯條薯條就啱晒一大班人share，炸得好香脆。火焰雪山呢晚好多人都有叫嘅火焰雪山，每次餐廳調暗燈光嘅時候就知有火焰雪山要出