牛舞日本燒肉‧涮涮鍋放題

營業中

休息中

第一次去試元朗牛舞燒肉店，有幾個吾同嘅套餐選擇，我地揀左最貴嘅餐試下，有火煱可以一次過試埋，肉類有最靚嘅薩摩和牛。我地首先食左剌身先，有帶子，三文魚，北寄貝同甜虾等等，份量細份d，要點多幾次先夠喉，但都係鮮甜嘅。燒肉最正係蕯摩和牛，烤兩烤就食得，充滿肉汁同和牛油香。仲有其他肉類選擇，澳洲同美國和牛，豚肉同羊肉等等。另外海鮮亦好豐富，有鮑魚，帆立貝，甲羅燒，虾，牛油蜆同蠔，帆立貝比較淡味，其他鮑魚，甲羅燒同蠔好鮮美味。我地試左牛骨湯火煱，出面有自助火煱配料同飲品雪糕，種類都ok多。另外仲有炸物同小食，炸芝士年糕，炸蠔，雞軟骨同辣花螺，今餐食得好飽好滿足，待應服務吾錯，上菜同收碟速度都快。