夜上海 (已結業)

以前同媽媽o黎食過lunch，o尋日母親節又預早訂定位同媽媽慶祝。貪佢環境唔錯又比一般高級的酒樓較平(o尋日母親節關係，坐得較迫)，而且又唔駛一定食set，可以散叫。有幾款母親節套餐，唔抵食又唔o岩食，所以散叫。冷盤先有青瓜海蜇頭-海哲切得好碎，同埋青瓜都爽口，黃芥辣醬俾你點，不過毫無味道。燻魚-汁味道好濃好味、魚肉較實，老豆話買相好似叉燒。再o黎老豆鐘意飲的醃篤鮮，湯底幾甜，不過湯料勁少，得少少白菜同咸肉，這個湯就不及中環小南國好。細妹點了個寧波肋骨，似係乾炸一字骨，肉質不至於韌但好乾，只得鹹味。今次自動點咕嚕肉竟然係老豆，這個咕嚕肉實在太差，味道唔得外，d肉太鬆散，唔得結實。松子雞米-松子同雞肉碎等材料放入d燒餅度，味道一般，唔係特別好食，150蚊一碟好唔抵，可能係松子貴的關係。燒餅叫做鬆化，但唔係做得特別好的一間，比泰豐廔差好遠。最後麵食係老豆鐘意的上海粗炒，同埋媽媽鍾意的素菜包。上海粗炒比一般上海舖多油，而且麵又諗。素菜包就唔錯，麵包鬆軟又薄，而又勁多素菜，味道恰好。埋單820蚊，一來在這個地方，二來在這節日裡，一D都唔算貴。