影片
更多
2011-01-03
19 瀏覽
有位朋友 1 月頭生日，特意提早為佢慶祝，順便賀聖誕！我亦預備咗小禮物送給幾位朋友，令佢哋既開心又驚喜！起初，我以電話 book 位，店員話只可 book 6：30 或 8：30 ，因為其他時段已經 full 哂；唯有 book 定 6：30 ，我哋趕唔切 6：30 到，最早到嘅朋友都要 6：50 ，我叫朋友攞定枱，而我繼續等其他朋友。店員話我 book 張枱已經無咗，要重新攞籌再排過，大家足足等咗半個鐘！仲提醒入座起計限食兩個鐘。聽完之後，未食已經覺得有點趕！ 等位期間，睇見有大閘蟹套餐。令我哋更肚餓！事不宜遲，馬上落單！我哋叫咗 6 樣嘢！不過無叫到大閘蟹。呢度地方唔算大，幸好有卡位座，唔會擠迫！店內有不少黑白懷舊相，增添一點懷舊味道！食物尚未送到，侍應先遞上一碟花生作為小吃，亦為我哋酙茶。服務態度尚算不錯！反應夠快！鎮江肴肉 $48最先上枱正是呢碟小食，賣相不錯！令我食指帶動！相信做法相當繁複！豬蹄肉跟啫喱狀嘅凍混合一起，層次分明！可惜食起嚟肉質有點實繃繃！虛有其表！ 肴肉不太有肉味，可能被啫喱凍部分鮮甜味掩蓋！蘸埋鎮江醋，可增添風味！其實，唔係好多地方做得好！反而，我覺得霞飛
起初，我以電話 book 位，店員話只可 book 6：30 或 8：30 ，因為其他時段已經 full 哂；唯有 book 定 6：30 ，我哋趕唔切 6：30 到，最早到嘅朋友都要 6：50 ，我叫朋友攞定枱，而我繼續等其他朋友。店員話我 book 張枱已經無咗，要重新攞籌再排過，大家足足等咗半個鐘！仲提醒入座起計限食兩個鐘。聽完之後，未食已經覺得有點趕！
等位期間，睇見有大閘蟹套餐。令我哋更肚餓！
事不宜遲，馬上落單！我哋叫咗 6 樣嘢！不過無叫到大閘蟹。
呢度地方唔算大，幸好有卡位座，唔會擠迫！店內有不少黑白懷舊相，增添一點懷舊味道！食物尚未送到，侍應先遞上一碟花生作為小吃，亦為我哋酙茶。服務態度尚算不錯！反應夠快！
鎮江肴肉 $48
最先上枱正是呢碟小食，賣相不錯！令我食指帶動！相信做法相當繁複！豬蹄肉跟啫喱狀嘅凍混合一起，層次分明！可惜食起嚟肉質有點實繃繃！虛有其表！ 肴肉不太有肉味，可能被啫喱凍部分鮮甜味掩蓋！蘸埋鎮江醋，可增添風味！其實，唔係好多地方做得好！反而，我覺得霞飛做得唔錯！
我的食評 - 「霞飛」，可比較一下！
http://www.openrice.com/restaurant/commentdetail.htm?commentid=2130673
鮮菜肉小籠包 $28
王家沙嘅小籠包有 3 款：招牌蟹粉小籠包 $48、蘇式鮮肉小籠包及鮮菜肉小籠包，同樣$28，當中招牌蟹粉小籠包最為受歡迎！ 朋友揀了呢款鮮菜肉小籠包，感覺無咁 heavy ！呢度嘅小籠包賣相一般，每粒大小不一，加上蔥粒作辨認。有4 粒，一人一粒！要做到皮又薄又靚，並非容易！搓皮、摺皮、每一個工序要控制恰當。皮尚算薄，筷子夾著都無穿；餡料比例肉多過白菜，肉夠新鮮，肉汁鮮美而且夠多！
鮮肉鍋貼 $28
另一選擇為咖哩鮮肉鍋貼，不過，我哋有一半唔食得辣。鮮肉鍋貼皮薄餡靚，皮摺得夠精細，似乎每一摺係一樣闊度，皮煎得剛好，食起嚟有點脆；用上半肥瘦豬肉新鮮，只要一咬開鍋貼皮，肉汁即時流出來！確實不錯！
鮮荳板菠菜 $46
以菠菜、荳板 (即剝咗殼嘅新鮮蠶豆 ) 及蒜片一起炒，最後灑上金華火腿絲，相當得體！未食已經嗅到香味！ 通常食到嘅菠菜係腍身！呢度落咗好多油快炒菠菜，保持翠綠！還帶一點嚼勁！值得一讚！荳板軟身夠入味。呢道菜雖然清淡，但係油咗少少！之前，幫襯中環寧波旅港同鄉會，食過豆瓣莧菜，同樣不錯！
我的食評 - 寧波旅港同鄉會
http://www.openrice.com/restaurant/commentdetail.htm?commentid=2107647
上海話梅骨 $68
平時食慣糖醋排骨，一試話梅骨，感覺清新！味道跟糖醋排骨一樣酸酸甜甜，話梅汁令人幾開胃！略嫌唔太夠汁！排骨份量唔少！又夠入味，帶點肥肉，容易入口！用來伴飯係一流之選！
健康炒飯 $52
炒飯種類另有：家鄉金腿上海炒飯 $52 及闊佬炒飯 $58。健康炒飯係我嘅選擇！以白米、紅米、蛋白、菜芯莖切片、粟米、崧子為材料！顏色奪目！ 令我好驚喜！紅米幾難控制，煮得夠熟又無爆開，有趙頭；加上粟米、崧子，十分有口感！蛋白代替蛋黃，比較健康！明符其實係一道健康炒飯。
無疑！上菜速度快，食咗一個鐘已到尾聲，侍應問我哋食物到齊未？回答已到齊，隨即收餐具及餐紙，確實有點趕客！食完想坐耐啲都唔得！
張貼
