鍾菜 (已結業)

今年到鍾菜慶祝母親節， 之前都有介紹過這間中菜館， 我的屋企人很喜歡到這裏慶祝節日， 一圍御皇宴12位用$2388，星期一至五公眾假期除外。 套餐有淮石高溫乳豬， 松露醬蜜豆爆珊瑚蝦球， 金蒜銀絲蒸元貝， 田七汽鍋雞， 蠔皇扣花膠玉掌， 清蒸海虎斑， 鹽香脆皮乳鴿， 蟲草花雞湯浸菜苗， 瑤柱蛋白炒飯， 杏汁燉雪燕。淮石高溫燒乳豬，乳豬底下面仲有一塊鐵板用來保持乳豬的溫度， 另外仲有皮和青瓜， 類似片皮鴨的食法， 可以帶走油腻的感覺， 賣相又好睇。松露醬蜜豆爆珊瑚蝦球， 松露醬的味道好香， 蜜豆甜美， 蝦球大大粒。金蒜銀絲蒸元貝， 味道新鮮。田七汽鍋雞， 田七可以化瘀行血， 味道甘甘苦苦。鹽香脆皮乳鴿， 今次的脆皮乳鴿比起上次好得多， 外皮脆卜卜， 肉質鮮嫩。蠔皇扣花膠玉掌， 花膠份量好多， 質感又肥又厚好足料。清蒸海虎斑， 蒸的時間剛剛好， 魚肉新鮮。蟲草花雞湯浸菜苗～ 清清地幾好味。:瑤柱蛋白炒飯， 味道偏淡。:杏汁燉雪燕， 杏汁味淡， 味道普通。記得上次來的時候都是點同一個套餐， 今次套餐入面的菜式都有轉變， 令到客人保持新鮮感。