影片
更多
2020-06-08
887 瀏覽
十分感恩!又再次玩遊戲贏到免費餐券，今次送的是位於康思酒店內的Alibi餐券。5月收到，但一直未有時間去，所以就等到生日當天去食!餐券只寫2人享用的3道菜，實質食啲咩都是去到先知。去前我們都有睇過其他人拍的照片，大概知道份量係細細份好精緻，所以我屋企人當時就決定加錢要多份甜品，因為怕食唔飽😂其實加了甜品就等於是4款菜式的套餐，每位就加$30。屋企人想食和牛，所以亦都其中一道菜加了$80轉和牛，其實都是得2塊細和牛，酒店價應該差不多上下吧🤔。一坐低已經有2杯水比我們，服務員就簡單介紹我們有什麼菜式可以自選，但只有英文餐牌，不太清楚是什麼菜式，有少少算亂點😂，點好餐之後就開始先上送的4塊餐包和牛油，個皮有些位超硬，可能配湯會好一些，但我們沒有選到湯，湯不會額外包送。 前菜我們選了鴨胸肉酥捲、紅菜頭沙律。鴨胸肉夠淋身都幾好味，酥味只是輕微，所以容易入，酥捲入面包了肉，但不確定是否包鴨胸肉，口感食落都是外脆內軟，沒油膩的味，所以滿意這道菜，湯汁都好飲，另外有鵪鶉蛋作配襯。 紅菜頭沙律就屋企人少食食不慣，入面有夏威夷果仁、其他沙拉菜，屋企人仲講笑住咁講「啲夏威夷果仁好好味」😂頭盤就選了有機牛肉、
餐券只寫2人享用的3道菜，實質食啲咩都是去到先知。去前我們都有睇過其他人拍的照片，大概知道份量係細細份好精緻，所以我屋企人當時就決定加錢要多份甜品，因為怕食唔飽😂
其實加了甜品就等於是4款菜式的套餐，每位就加$30。屋企人想食和牛，所以亦都其中一道菜加了$80轉和牛，其實都是得2塊細和牛，酒店價應該差不多上下吧🤔。
一坐低已經有2杯水比我們，服務員就簡單介紹我們有什麼菜式可以自選，但只有英文餐牌，不太清楚是什麼菜式，有少少算亂點😂，點好餐之後就開始先上送的4塊餐包和牛油，個皮有些位超硬，可能配湯會好一些，但我們沒有選到湯，湯不會額外包送。
前菜我們選了鴨胸肉酥捲、紅菜頭沙律。
鴨胸肉夠淋身都幾好味，酥味只是輕微，所以容易入，酥捲入面包了肉，但不確定是否包鴨胸肉，口感食落都是外脆內軟，沒油膩的味，所以滿意這道菜，湯汁都好飲，另外有鵪鶉蛋作配襯。 紅菜頭沙律就屋企人少食食不慣，入面有夏威夷果仁、其他沙拉菜，屋企人仲講笑住咁講「啲夏威夷果仁好好味」😂
頭盤就選了有機牛肉、另一道藍芝士沙律。
有機牛真是好好味，睇落似生牛肉，但食落好滑，完全無血水臭味，睇落似係加左沙律醬/cream上去，所以食落好滑身，而且食到嫩的質感，配埋脆片食增加了口感，我們一口接一口食，呢道係我們2個人都同時讚和鐘意食的菜式。
藍芝士呢款沙律我可以用「大膽」來形容，因為入面除藍芝士外，亦有綠色的薄荷醬、仲有一款忘記是什麼的醬，而沙律上面還有綠色沙冰，味道甜甜地好特別!混沙律一起吃都不錯，呢款沙律比紅菜頭款沙律易入口一些，但沒夏威夷果仁，內有合桃，所以我就同屋企人講返笑「啲合桃好好味」😂😂😂明顯呢款沙律屋企人都接受到，佢都食多左。
主菜就是我們加了$80的和牛、另一款係羊腩。
怕羊味太酥味會影響味道，所以我叫屋企人一齊食左和牛先，和牛只有2塊，就是一口牛的尺寸。令我們想起之前去大阪食平價和牛呢件事，幾十蚊就試到和牛，份量和當時的也差不多😂😂😂不過和牛就一定好食😋賣相不錯，其他配料薯仔外脆內軟、菜都ok。
羊腩係一層肉一層羊脂，再一層肉一層羊脂這樣的，配料是最多的一道菜，沒想像中的酥味重，所以都好易入口，都滿意的一道菜。
甜品每位加$30，都是有數款可以選擇，最後選了特濃朱古力蛋糕、一款桃做的甜品。
甜品兩款都好好味，特濃朱古力的內餡好滑和朱古力味道濃郁，完全覺得啖啖都好似食緊朱古力的軟心咁，超正😋😋😋😍旁邊的是朱古力雪糕。 桃做的甜品都是有雪糕，似係桃味沙冰來的，而個桃似焗過，但幾好食，都幾大塊😂
最後仲有2杯cocktail送，可選有酒或無酒，所以就兩款都選，味道很好飲，都是偏向似菠蘿汁味😍😋
現場環境氣氛好好😊完全係好岩情侶和閨去一邊吹水一邊食野的好地方👍🏻👍🏻👍🏻沙發椅亦都坐得舒適😊 整體來講，幾滿意的一餐，試到不同的美食，又食埋師傅份精緻和細心，同屋企人都邊食邊講笑，食得幾開心!
十分感謝送餐券比我的護膚品牌子公司和Alibi餐廳!!!🙏🏻❤等我生日渡過了一次新的開心體驗❤
我們加錢連加一，最後補了差不多$160蚊。而且最後係大家都食得飽😂
張貼
