君好扒燒西餐廳 (已結業)

女朋友生日,諗住食好D，記得佢提過話想食石燒，朋友介紹話君好扒燒餐廳幾好，於是就打電話去book位，比個驚喜女朋友喇因為我地book左位既關係，唔洗等就可以入去，環境幾靚幾乾淨,女朋友見到MENU之後仲開心，有佢想食既野啵,仲唔開心咩,呵呵!!職員過來介紹同埋幫我地落單，態度很NICE，讚好。我地分別叫左肉眼拼大蝦及西冷牛扒拼龍蝦尾。落完單職員就同我地講可以自己出去拎野食，眼見種類都ok,有凍蝦,青口,煙生文魚,凍腸,沙律菜,生果,甜品,蛋糕等等...好新鮮,令人見到食慾大震。我地食下傾下，見好多比我地遲來既客人都以經上左石燒,點解我地仲未有??細問之下原來係要我地order先上菜的，oh....原來係咁，唔怪得啦！落左Order之後上石燒喇，餐廳有圍裙比我地防止Ｄ油彈落我地身度，職員仲好細心咁同我地講點燒，燒幾耐，幾時落調味，跟住就到我地大顯身手自己燒喇，"滋...滋...滋..."聽到都開心！不過我就低估左舊石既熱力，燒耐左，Ｄ肉熟晒有D"鞋"。而女朋友既肉眼就燒得好JUICY，果然女仔整野食會好D。而大蝦同龍蝦尾就燒得好好，好鮮甜同埋彈牙，不錯不錯。食完石燒之後我地仲去拎甜品食添