影片
更多
2023-07-19
153 瀏覽
今日即興同男朋友係太子食野，諗唔到食咩就打算去金鳯鋸扒，正當行到去金鳯，旁邊有一間小店大大隻字寫住$45鐵板餐，咁抵唔係唔試呀嘛，於是我地坐低叫左2份西冷，分別跟薯菜同意粉，同樣係黑椒汁，加埋凍飲total 兩位$100仲有4蚊找🙈但最驚喜係，竟然好食過金鳯！！食物方面，西冷係薄薄地兩大塊，份量十足，無筋，重肉味，口感嫩滑，薯條有焦香味，最出色係個黑椒汁，好足料，岩岩抄起咁，唔係好辣十分惹味，聽到第二張枱讚個蒜蓉汁，下次要試😍飲品方面，凍奶茶係典型茶餐廳好飲既味道，忌廉湯熱辣辣唔錯。店內職員廚師都好nice，可能新開無咩客，出黎傾左幾句睇下我地有咩comment ，feel到佢地好有heart 去經營，加油啊👏$45 係試食價，下次去未必有啦，不過貴d都值得🍽️，個人認為$45抵得滯，令人錯覺係試伏😆，同埋我建議放返d靚相吸客金鳯一個餐都$1xx up ，大四喜無論性價比同食物品質都贏左，忍唔住即刻寫食評支持支持
食物方面，西冷係薄薄地兩大塊，份量十足，無筋，重肉味，口感嫩滑，薯條有焦香味，最出色係個黑椒汁，好足料，岩岩抄起咁，唔係好辣十分惹味，聽到第二張枱讚個蒜蓉汁，下次要試😍
飲品方面，凍奶茶係典型茶餐廳好飲既味道，忌廉湯熱辣辣唔錯。
店內職員廚師都好nice，可能新開無咩客，出黎傾左幾句睇下我地有咩comment ，feel到佢地好有heart 去經營，加油啊👏
$45 係試食價，下次去未必有啦，不過貴d都值得🍽️，個人認為$45抵得滯，令人錯覺係試伏😆，同埋我建議放返d靚相吸客
金鳯一個餐都$1xx up ，大四喜無論性價比同食物品質都贏左，忍唔住即刻寫食評支持支持
$45
10 瀏覽
0 讚好
0 留言
張貼
