Lex Coffee (已結業)

前兩日搜尋咁堅尼地城有咩美食，發現呢間Lex Coffee好評居多，今日就諗住試食下。步入Cafe，發現佢左手邊唧裝潢同佈置具有日式設計感，尤其係櫃上各種小物件，得意嘢都好多，充滿驚喜。本身諗住試埋龍蝦意大利飯，不過又無心情係下午茶時間食個飯落肚，所以齋叫咗一份意式提拉米蘇。提拉米蘇比我想象中大，擺盤都十分elegant，無論邊個角度都影得好靚，真係有d捨唔得叉隻匙落去。未入口就可以聞到咖啡香，不過反而食又食唔到咩咖啡味，呢一點我覺得都幾不可思議，略失望。至於Lady Fingers，鬆軟可口，空氣感十足，絕對滿分。馬斯卡彭起司Cream好smooth好silky，不過我嫌隻味太淡，唔夠濃郁。整體嚟講，雖然唔係我食過最出色唧提拉米蘇，不過都係令人滿意的一道甜品。比起食物，值得讚唧係店內氣氛：舒適的座位、儀容得體的適應生、柔和的背景音樂，皆令人感到放鬆、惬意，可以獨自一人或同朋友度過一段休閒時光。