影片
更多
2023-07-15
499 瀏覽
經過德田街市，就打算買個外賣返屋企食，見到有呢間熱狗連鎖店諗住冇死喇，點知就賴嘢啦！睇定Menu之後行去店前落單，店內只得一個店員，不停喺度整緊包，我叫佢話吾該落單啊，企咗喺度3分鐘佢都冇理過我，好喇，終於理我問我要乜，我就嗱嗱聲講咗要個漢堡包餐拎走，再問佢多句飲嘅係咪下便嗰啲揀？點知佢答都冇答我就俾咗張單我掉頭走咗，繼續去整佢嘅包！ 我都未講飲咩？佢就走咗。。。咁我心諗唔好阻住佢做嘢啦，等一陣拎外賣嘅時候可能佢先會問我飲咩等咗10分鐘，終於拎得我個外賣，外賣已經包好左，裏面直接係紅色可樂？？但我明明未講飲咩㗎喎， 於是我就打開外賣袋同佢講我唔要紅色我要黑色可唔可以同我轉？（都仲係好好態度） 點知個店員本身已經西面，而家仲要發老脾，好大力咁拎咗罐黑色可樂掉落張枱度，我已經忍住唔發脾氣，但佢一副勁乞人憎口面我真係忍唔住！我話，你而家咩態度呀，使唔使發脾氣？？一講佢就勁大聲咁鬧返我話我點解當初唔講飲咩要而家先講？？話自己好多單，話我阻住佢時間dup佢波鐘，跟住bi-li-bla-la咁鬧到全條街都聽到佢把聲， 佢把聲大到我完全插唔到咀，阿生，唔係大聲代表你岩呀！！佢鬧完一輪，我問佢你講完未
睇定Menu之後行去店前落單，店內只得一個店員，不停喺度整緊包，我叫佢話吾該落單啊，企咗喺度3分鐘佢都冇理過我，好喇，終於理我問我要乜，我就嗱嗱聲講咗要個漢堡包餐拎走，再問佢多句飲嘅係咪下便嗰啲揀？
點知佢答都冇答我就俾咗張單我掉頭走咗，繼續去整佢嘅包！ 我都未講飲咩？佢就走咗。。。咁我心諗唔好阻住佢做嘢啦，等一陣拎外賣嘅時候可能佢先會問我飲咩
等咗10分鐘，終於拎得我個外賣，外賣已經包好左，裏面直接係紅色可樂？？但我明明未講飲咩㗎喎， 於是我就打開外賣袋同佢講我唔要紅色我要黑色可唔可以同我轉？（都仲係好好態度）
點知個店員本身已經西面，而家仲要發老脾，好大力咁拎咗罐黑色可樂掉落張枱度，我已經忍住唔發脾氣，但佢一副勁乞人憎口面我真係忍唔住！
我話，你而家咩態度呀，使唔使發脾氣？？一講佢就勁大聲咁鬧返我話我點解當初唔講飲咩要而家先講？？話自己好多單，話我阻住佢時間dup佢波鐘，跟住bi-li-bla-la咁鬧到全條街都聽到佢把聲， 佢把聲大到我完全插唔到咀，阿生，唔係大聲代表你岩呀！！
佢鬧完一輪，我問佢你講完未，講完到我講
！
我話，第一我企咗喺度幾分鐘，你都冇行過你同我落單冇理過我，到你終於同我落單，我問你係咪可以揀其他嘢飲，你就冇理過我冇答過我走咗去整包， 我點同你講飲咩？ 我見你多單做都體諒你唔特登叫返你過嚟講，諗住你拎外賣嗰陣先拎比我喇， 點知就俾你鬧！！仲喺度發脾氣，當時佢仲聲稱自己冇發脾氣，不嬲都係咁完全冇問題！我真係想講，你對住你老細係咪都係咁嘅態度？
我話好啦，你覺得你自己冇發脾氣，你咁嘅態度係冇問題嘅，咁即係你本身個人格有問題，你自己檢討吓， 我唔會再幫襯你依間嘢！因為你令到我食個lunch無端端要受氣！
仲要根本吾好食，塊包厚勁，肉勁薄，乾淨淨， 真係奉勸各位，唔好幫襯佢！！
15 瀏覽
0 讚好
0 留言
張貼
