名羊天下麵店

營業中

休息中

廟街出名食煲仔飯、大排檔小炒外，原來新開左間食羊專門店，店子不大，只有幾枱桌，個晚去廟街夜繽紛時經過，順便快快手醫肚先，有羊腩碟頭飯、羊肉麵、仲有羊腩煲、羊排等。我地點了一個羊腩煲1人餐，加碗羊什麵。羊腩煲1人餐$98，有1細煲羊腩、白飯、油菜、甜品，羊腩煲味道正宗，羊腩夠腍，份量充足甜品好好味，椰汁底有些蒟蒻之類東西，煙煙韌韌好好食！羊什麵份量相對少D D，不過就第一次食羊內臟，羊肺好好食，口感像牛肺，仲有羊腸，羊肚，爽口唔勒，羊湯亦好好飲，食完麵連湯都飲埋！可能新開張，服務員不太純熟，畢竟座位少，客人唔多，招呼唔夠周到都可接受啦！難得有間羊肉專門食店，唔係度度有架，羊迷要試吓啦！