廟街玉子燒 (已搬遷) 新店位置

又再次岀沒油麻地，夜晚唔算好餓，就同男朋友經過廟街，發覺好香炒野味，見到呢間黃店小食，專門食玉子燒同街頭小食，佢門面較細，鋪前放左兩三張圓摺櫈做枱咁，食到香港原味道，別有一番風味！我地當然要試下招牌流心芝士玉子燒，都只係$30, 配料要左明太子同鰻魚，等左十分鐘左右，燒辣辣，面頭佈滿哂明太子，夾埋拉絲芝士，好好食，玉子做到岩岩好，唔會過老！再叫左魷魚蘇同雞軟骨雙併，要左少辣好惹味，仲有少少蜜糖味咁，好好食！最後仲叫埋炸雞同章魚小丸子，新鮮熱辣，大阪燒都好大份，食完夠飽。小食泥講算好高質同多選擇，好值得再去！由於只有老細自己一兩個人做哂所有野，所以多人時大家請耐心等候，不過絕對係值得等既！發現除左岀名煲仔飯外，依家多左一個小食選擇