Cabana Breeze (已結業)

話說呢個地方我點樣發現㗎呢，之前試過呢Sheraton酒店staycation，然後就試過食呢間西餐廳，當時係晚上嘅時候食，已經覺得感覺好浪漫好靚，然之後心心念念諗有一日一定要中午或者晏晝食Tea時間過嚟食嘢一定好chill！今次係同媽咪兩個人經開附近行街，然後專誠蔡過嚟呢度試吓。今次因為當係識下午茶，所以我哋兩個都唔係食得太多嘢，主要叫咗三款食物，分別係三文魚他他、香辣蟹肉魷魚墨魚汁扁麵條、自家製提拉米蘇。我三款食物裏面嗰個人最鍾意嘅係佢嘅點條麵，因為覺得墨魚汁嘅麵條，本人比較鍾意食，而且佢配埋魷魚筒蟹肉一齊炒好入味，而且份量比較大跌，相對嚟講比較抵食。而媽咪最鍾意就係食佢嘅甜品，佢話識落入口即溶又唔會太過甜，係有一種食完想再食嘅感覺。而三文魚他他就中規中矩味道都唔錯，份量如果再大啲少少就更加好啦！不過其實去得嗰邊食嘢都係鍾意佢嘅環境比較寫意啲，遠離繁囂，如果鍾意有啲私人空間同埋想要度假嘅感覺嘅話不妨去呢啲餐廳試吓，坐得舒服環境真係好chill，影相打卡都啱。