Heart Bar & Restaurant (已結業)

廟街一間用心嘅餐廳😃晚餐同午餐都有套餐，價錢非常之親民，啱晒油尖旺一帶嘅街坊。老闆好熱情會親自招待客人，呢度仲做埋宴會包場，如果想搞生日會嘅朋友仔都可以考慮吓呢度😊非常推介香煎盲曹魚柳伴珍珠薯及普羅旺斯燉菜，魚肉好厚好大件，魚皮切嘅時候脆卜卜同事裏面嘅魚肉非常滑溜😁師傅掌握火候真係好勁！普羅旺斯燉菜之前未食過，用咗蕃茄醬，酸酸甜甜，整體都幾好食！香煎澳洲草飼肉眼扒都正，屋企人想食熟啲，所以今次揀咗七成，切落去都係軟身一啲都唔會鞋口。件扒好大件一個人食成個餐可能會有啲飽可以share食！心太軟中間係流心，切開熱辣辣😀另外非常推介，佢哋啲白酒，酸酸甜甜好好飲比較啱女仔，好似我咁唔飲開都覺得好正✨Heart Bar & Restaurant (佐敦)佐敦廟街285號地舖