客家好棧 (已結業)

早幾日同家人到客家好棧食晚飯，一家人簡簡單單叫套餐，點知八味菜有七味都咸到你叫晒救命。先黎一碟豆醬魚塊，一食就以為係豆醬太多，所以比較咸。點知食落舊魚度，一樣好咸。跟住就有個牛仔骨，又係咸到痺，又霉，梳打粉多多，無乜牛肉味。重有個湯，又係唔知為乜比較咸，都好勉強先至飲得到。之後食左咸雞，全檯人都係食左四舊就物歸原主。同待應生講過，無反應，唔知係廚房唔理定唔知乜事，之後既炒麵飯一樣咸到你叫救命，唔知佢係咪想D客叫多D野飲呢。食完咸雞之後，家人一個一個都感到頸背發熱，頭痛，舌麻，全部都係味精過多o既徵狀。之後同經理講，叫佢試埋味，點知都係走左去就算，我諗我o既黑名單又添一員。