老媽拌麵 (屯門市廣場1期) (已結業)

OT完又有一連三日嘅假期，要適當休息下食下飯。老媽拌麵開咗一排都未去食過，要試吓。我同同事都揀咗拌麵。之前都係超市買過唔同台灣牌子嘅拌麵，味道唔錯，就係未食過老媽嘅。我叫咗地獄麻辣牛肉拌麵，要刺激吓成個人，如果唔係dull到死。一上菜就聞到麻辣味，唔食辣嘅同事比我更加sensitive。食落去果然係幾辣下，但係得個辣味。個種辣係一下刺激嘅，而唔係好香濃嘅辣味。味道好單調，完全冇層次，欠缺鹹味。唔欣賞佢嘅調味。隻蛋賣相都....不得不提，麵質係唔錯，好掛汁。性價比真係一大敗筆，$72但分量少。女仔肚餓啲都唔夠食。相信去買一Pack自己煮會更抵。同事嗰個蔥油嫩雞拌麵評價都好一般，「係Seven係蔥油」（Colleague, 2021）。但同樣幼麵麵質係好味嘅。