影片
更多
2009-05-25
119 瀏覽
有傳要清拆但未動工的裕民坊一帶，同鵝頸橋一樣是夜夜笙歌，同行的突然癮起要吃碗仔翅，夜麻麻附近好似就只得這裡仲未打烊，走了兩條街口摸到上來，天口咁熱，咁行法其實都幾鬼辛苦的！同行的走去吉幾粒辣尖椒、茄子，見老細捧著由內舖廚房炸起的魚蛋漲卜卜，就拿著話滿又唔滿的碟同埋碗仔翅埋位坐定定吃，有幾座強力風扇，坐得唔算太辛苦。炸三寶流量幾快，吃落口熱辣辣，尤其是魚蛋更是熨嘴，雖然粉比例唔少唔算彈牙，但吃到有蒝荽，撈埋豉油、辣油一齊吃，過得去啦；談起碗仔翅，最好的是車品品吧，但原來有更好的，也真「R頭」，一碗材料唔算多的翅，要下醋吊味，談不上好吃，但廿四小時的碗仔翅就得這裡有賣，幾獨市的，難怪愈夜賣得愈好。自攜了兩支可樂，靚姐是隻眼開隻眼閉，沒說什麼，原來走時才埋單，靚姐反問二人吉了幾多粒，是出來行講個信字的小店，有趣～
有傳要清拆但未動工的裕民坊一帶，同鵝頸橋一樣是夜夜笙歌，同行的突然癮起要吃碗仔翅，夜麻麻附近好似就只得這裡仲未打烊，走了兩條街口摸到上來，天口咁熱，咁行法其實都幾鬼辛苦的！
同行的走去吉幾粒辣尖椒、茄子，見老細捧著由內舖廚房炸起的魚蛋漲卜卜，就拿著話滿又唔滿的碟同埋碗仔翅埋位坐定定吃，有幾座強力風扇，坐得唔算太辛苦。
炸三寶流量幾快，吃落口熱辣辣，尤其是魚蛋更是熨嘴，雖然粉比例唔少唔算彈牙，但吃到有蒝荽，撈埋豉油、辣油一齊吃，過得去啦；談起碗仔翅，最好的是車品品吧，但原來有更好的，也真「R頭」，一碗材料唔算多的翅，要下醋吊味，談不上好吃，但廿四小時的碗仔翅就得這裡有賣，幾獨市的，難怪愈夜賣得愈好。
自攜了兩支可樂，靚姐是隻眼開隻眼閉，沒說什麼，原來走時才埋單，靚姐反問二人吉了幾多粒，是出來行講個信字的小店，有趣～
張貼
