泰尚泰國菜館

營業中

休息中

嚟西環搵個frd，街坊帶我嚟喱間開咁廿年嘅泰國菜，聲稱喺街坊先知嘅超正老店。果然又真喺好多街坊叫外賣，亦都有好多外國人幫襯。街坊推介二人餐，因為有齊前菜、湯、同兩個餸，再包白飯或蒜蓉包。頭盤揀咗串燒先，因為都操肌肉，所以就keep住做食肉獸，Total四串都大大串，雞牛豬任你揀。我想講呢個冬陰功湯真係好濃郁，最鍾意呢啲咁重料足料嘅湯，有時覺得其他泰國餐廳就咗香港人嘅口味，呢個真係夠晒正宗，香料重，仲要有大大隻蝦。另外叫咗金不換炒牛柳粒同埋青咖喱豬頸肉，其實真係太多肉，不過要補充蛋白質冇計啦，但係我想講個蒜蓉包真係停唔到口。點樣戒澱粉都好個蒜蓉包點落個咖喱到，真係好難抗拒。唔知點樣形容個包真係外皮好脆，但係咬落去呢又好鬆化，個包仲識回彈，真係好好味，一定一定一定要食蒜蓉包。呢間餐廳份量真係好足夠，其實呢個二人餐真係夠三四個人食，同埋好近叮叮巴士同地鐵站。