樂園 (已搬遷) 新店位置

久仰樂園個大名，話呢度係一間喵cafe今日終於帶埋我家兩位寶寶黎試左！ 樂園就係尖沙咀北京道，行完街上黎坐返陣都幾方便。一出lift就見到招牌彩虹標誌！一入門口就見到貓店長瞓緊覺，好鬼乖豬，任摸唔嬲！睇見menu都已經流曬口水。 原來呢度仲有廚師發板 ，賣相不錯，不過我哋咁大食所以都係叫番啲散叫！近排我鍾意咗食魚，所以叫咗個香煎龍膽石斑柳配翡翠汁，石斑柳皮煎得有少許香脆，魚肉好嫩滑，仲配有大份沙律蔬菜都好新鮮！呀女鐘意食牛，點左份安格斯肉眼!加多個小食拼盤， 在場有好多唔同board games邊食邊玩。甜品就梗係要試下呢度出名嘅怪獸雪糕，我哋怕食唔哂所以叫左個細嘅，有三大雪糕球，仲有啲新鮮生果，賣相好靚！仲有店員幫我地影即影即有，服務很好，整晚不停在唱生日歌熄燈出怪獸大雪糕，happyland真係一個令人開心的地方。