鮨政 (已結業)

一班朋友去睇戲🥳其中一個朋友負責搵野食，佢見到有一間話想試下，咁我地就去香港仔食下啦🤩呢度既職員都好熟手同細心，枱面同餐具檢查過都好乾淨😎這個價錢好抵食，最重要係食物味道好又夠鮮，食得好值——吞拿魚黃瓜卷——相當好味，🥰口感豐富，啲黃瓜特別好食——三文魚牛油果卷——三文魚油脂豐富，營養價值好好，話食多啲三文魚其實對腦部都幾好架，😃牛油果都係健康食物，兩種一齊食味道好夾——大雜錦天婦羅——呢個真係無得彈😱比以往食開既天婦羅更好食，即叫即炸，裡面都好足料阿——鰆魚腩壽司——魚腩部位既油脂相對豐富🥶口感十足，上面有蔥調味，令到鰆魚更加新鮮——銀鱈魚西京燒——呢個真係值得讚🫢燒到外面微微金黃色，裡面既魚肉可以話好鬆軟，燒得好到位，食完都仲想叫多一碟