影片
更多
2019-02-23
1319 瀏覽
與幾位老友相約食開年飯，但就一反食中菜嘅習慣，改而食西餐，仲要鋸扒添。今次乜都由朋友一手負責晒，聯絡、選址、點菜……等等都搞晒，完全唔使理，正呀！所以，更感輕鬆愉快，地點就喺晌中環嘅「Westwood Carvery」。餐廳位處近蘭桂芳嘅和安里，小弟返中環工，就晒我啦。咪睇餐廳門面細細，原來從旁邊嘅樓梯上去仲有二樓，不過，友人就訂咗晌樓下，雖然地方唔算大，但一室歐陸風嘅裝修，配合柔和嘅燈光，挺有情調喎！由於環境有點昏暗，都唔知啲餐牌影得清唔清楚，不過，都照貼出嚟俾大家參考。類別就大致分為前菜、沙律、招牌菜、意粉、意大利包三文治、伴菜、甜點，以及晚市套餐。飲品方面亦照顧到客人所需，由汽水、果汁、咖啡、熱茶、啤酒……到餐酒都一一有供應。Pineapple Juice $38酒精類就唔啱我哋，友人就揀咗啲特色熱茶，小弟就點咗杯菠蘿汁，雖然都知道唔會喺鮮榨，但算味道濃郁，冰冰涼涼，好夾到一陣所食到嘅炸嘢前菜。Portobello Fries with Raclette Cheese $128大啡菇配意粉都食過唔少，但酥炸之後配上瑞士嘅拉可雷特芝士做成嘅前菜，就第一次食。厚肉嘅大啡菇切成小件，食
餐廳位處近蘭桂芳嘅和安里，小弟返中環工，就晒我啦。咪睇餐廳門面細細，原來從旁邊嘅樓梯上去仲有二樓，不過，友人就訂咗晌樓下，雖然地方唔算大，但一室歐陸風嘅裝修，配合柔和嘅燈光，挺有情調喎！
由於環境有點昏暗，都唔知啲餐牌影得清唔清楚，不過，都照貼出嚟俾大家參考。類別就大致分為前菜、沙律、招牌菜、意粉、意大利包三文治、伴菜、甜點，以及晚市套餐。
飲品方面亦照顧到客人所需，由汽水、果汁、咖啡、熱茶、啤酒……到餐酒都一一有供應。
Pineapple Juice $38酒精類就唔啱我哋，友人就揀咗啲特色熱茶，小弟就點咗杯菠蘿汁，雖然都知道唔會喺鮮榨，但算味道濃郁，冰冰涼涼，好夾到一陣所食到嘅炸嘢前菜。
Portobello Fries with Raclette Cheese $128大啡菇配意粉都食過唔少，但酥炸之後配上瑞士嘅拉可雷特芝士做成嘅前菜，就第一次食。厚肉嘅大啡菇切成小件，食起嚟酥脆而多汁，唔會「乾爭爭」，啲半溶嘅芝士拉起時一絲絲，軟滑鹹香，配埋兜蒜蓉蛋黃醬，令味道更具層次。
Portobello Fries with Raclette Cheese
$128
44 瀏覽
0 讚好
0 留言
細細碟嘅炸大啡菇未夠喉，就嚟多一道炸魷魚，有魷魚圈、魷魚鬚，睇嚟啱啱好喺一隻。炸得外層酥脆，個粉漿亦唔算厚，裡需就柔柔韌韌，唧點檸汁等自己感到無咁罪惡感，同樣配蒜蓉蛋黃醬，沾咗之後更惹味。
Spaghetti Mixed Mushroom with Black Truffles $188黑松露意大利麵相信大家同我一樣食唔少，不過，多數都喺搵松露醬做，但呢一道意大利麵除用上唔少黑松露醬之後，更刨有一大片黑松露，故上到枱非常之幽香，賣相吸引。而食味一流，混入嘅雜菌夠多，又撈得均勻，麵條又煮得有咬口，炷炷麵條都散發出松露香氣，喺高水準嘅出品。
Spaghetti Mixed Mushroom with Black Truffles
$188
37 瀏覽
0 讚好
0 留言
事前都知佢哋啲牛扒大份，所以，點一份牛小排都夠晒4個人食，果然，非常之大份，最窩心喺廚師已將牛小排起肉裁成一小件一小件，方便享用，唔使我哋再搞，非常貼心。而肉質粉嫩誘人，軟腍而極富肉香，咬一口肉汁與油脂同樣豐腴，配上自家製嘅燒烤味醬汁，濃郁有煙燻香，正呀喂！
Slow-Roasted Beef Short Rib
$588
30 瀏覽
0 讚好
0 留言
Apple & Mixed Berry Crumble with Vanilla Ice-cream $88最來，以甜點作結為呢餐劃下句號。甜品方面，餐廳有是日雪葩、朱古力布朗尼、紐約芝士餅及我哋所點嘅蘋果金寶。牛油麵粉粒嘅外層烘得脆脆而富牛油香，加上大量燕麥脆片，更具口感；最有心思喺裡面除有蘋果肉，更混入大量雜莓，中和咗牛油帶嚟嘅油膩感，跟雲呢嗱雪糕互動咁一口一口食，冰火交融，過癮。順提一提，雪糕中清晰可見到啲雲呢嗱籽架，用料無欺場。
先喺多謝友人安排，更開心喺能夠同老友們見吓面，收吓小禮物，又派吓利是，暢談吓近況，期望大家生活愉快，繼續做個風騷快活人。
張貼
