YOI Coffee & Bakery

營業中

休息中

係cafe林立的九龍城又一間新cafe，係同區地方最大最多座位環境最舒服的一間，staff好nice，有洗手間有差電位幾適合做野。自家製麵包同甜品很有誠意，質素也很不錯。北非焗蛋加了西班牙辣肉腸，辣辣番茄加半熟蛋點包好食。自家製的意大利focaccia帶微微香草味，烘的夠脆但偏乾，俾的包夠慷慨足夠點哂啲番茄汁。牛油果吐司正常發揮，厚吐司個邊微脆內裡軟綿但個人比較喜歡牛油果配酸種多啲。超人氣開心果修女泡芙，外表靚靚打卡一流之餘，泡芙真係好脆，用叉都可以輕易一分為二，裡面分別係原味同開心果味忌廉，好light開心果味都好突出，值得一試的甜品。咖啡有兩款SOE揀，選了Ethiopia的豆帶有花香果酸味，幾balance好啱飲。Matcha latte都唔錯。