越男仔 (已結業)

又來到星期五謙謙跳繩日之荃灣搵食篇，今次我地係荃灣廣場對面的越男仔到食晚餐。叫左一個 3 Course Dinner ，包括有鳳爪沙律+手撕雞檬紙卷小食， 前者冇無骨下層的沙律好清新， 後者紙卷包住檬粉倒入魚露酸甜好味。主食係越男仔蔥油三味配黃薑飯 ～ 有齊豬頸肉，豬扒和燒扎肉， 豬扒有香茅的香炸得香酥， 豬頸肉好爽口， 配黃薑飯唔會辣，仲有一股特別的幽香。凍雙檸茶 ～ 茶底香濃配合黃檸檬和青檸檬，兩者帶出唔同的酸我好喜歡。沙嗲烤牛撈檬 ～ 謙謙鍾情係夏天食撈檬，因為可以倒入魚露拌勻哂d 檬粉和青瓜絲一啖過咁食好清爽， 佢呢到的酸紅蘿蔔酸白蘿蔔絲好夠味，大熱天時食夠哂開胃。椰汁拉茶紅豆冰 ～ 謙謙見到呢杯特飲已經話要叫， 紅豆粒粒鬆軟配拉茶啱啱好。