越北牛肉粉專門店

營業中

休息中

呢排成日係大角咀收工，次次經過呢間越南野都心思思想試下，撞啱今日無飯局，就可以去食！叫左一個生牛肉牛丸河粉，泰式酸辣鳳爪同埋越南精餾咖啡～生牛肉好軟滑，浸係熱湯多一陣粉紅色就啱啱好～牛丸雖然細細粒，但又估唔到幾有牛味，有油香！酸辣鳳爪夠酸，夠凍！如果辣D會更好xd！好鍾意精餾咖啡嘅豆味，加上我再走甜，杯啡好醒神！環境上都係主要木系，舒服得黎簡樸，又幾越南feel！座位之間都好闊落，唔會同隔離檯逼埋一齊🤣🤣良好體驗，如果可以同時兩個人食多幾款小食就好！