影片
更多
2015-08-03
232 瀏覽
又係小新寫食評既時間啦，最近小新多左野要做，返工個陣成日都偷唔到時間打食評，所以愛麗絲就成日幫手寫啲食評。見到佢咁多野搞，都肯抽時間寫，記錄我地既一點一滴，真係好開心同幸福架 星期六既時間，我地就去左上環個邊行街啦。愛麗絲係個好有藝術細胞既女仔 ，好鍾意好有特色門面既小商店。上次上山頂既時候，發現舊區個邊有好多好靚設計既鋪頭仔，所以就趁呢個星期六，有少少微風既日子去上環行下街 。我地行左一陣，都覺得好滿足，搵到好得意既商品和鋪頭，確係不枉此行 行下行下就去到皇后大道西個邊，發現原來己經七點幾 我地兩個己經餓到姑姑聲，所以我地就決定見到第一間既餐廳，無論係咩都入去食啦，結果就係呢間啦!! 不過有幾好彩wor，門面幾靚，價錢亦合理，而且係小新幾鐘意既印度菜。所以，我地好快就入左去啦。入面有幾幅幾摩登既印度牆晝 ，播著一系列流行既歐美音樂 ，係一間相對較新興既印度餐廳。我地入座既時候，冇太多既人，加上座位好寬敞，所以成個氛圍十分不錯 。到了大約8點既時候，就會開始多人，主要都係外國既客人，令到小新和愛麗絲都以為自己去左外國添!! 另外，就當日所見，有不同
星期六既時間，我地就去左上環個邊行街啦。愛麗絲係個好有藝術細胞既女仔 ，好鍾意好有特色門面既小商店。上次上山頂既時候，發現舊區個邊有好多好靚設計既鋪頭仔，所以就趁呢個星期六，有少少微風既日子去上環行下街 。我地行左一陣，都覺得好滿足，搵到好得意既商品和鋪頭，確係不枉此行
行下行下就去到皇后大道西個邊，發現原來己經七點幾 我地兩個己經餓到姑姑聲，所以我地就決定見到第一間既餐廳，無論係咩都入去食啦，結果就係呢間啦!! 不過有幾好彩wor，門面幾靚，價錢亦合理，而且係小新幾鐘意既印度菜。所以，我地好快就入左去啦。
入面有幾幅幾摩登既印度牆晝 ，播著一系列流行既歐美音樂 ，係一間相對較新興既印度餐廳。我地入座既時候，冇太多既人，加上座位好寬敞，所以成個氛圍十分不錯 。到了大約8點既時候，就會開始多人，主要都係外國既客人，令到小新和愛麗絲都以為自己去左外國添!! 另外，就當日所見，有不同種類既客人，有家庭;有情侶;有朋友聚會，可見其客源都幾寬架!!
我同愛麗絲冇用太多時間就決定左食一個二人套餐，一黎兩個人都好肚餓啦 然後就係佢呢個二人套餐真係比較扺食，$230加埋加一，即係$250 可以食到二個前菜加二個主菜，同兩杯野飲，真係相對扺食架!! 所以兩個人黎真係正啲架 btw,因為愛麗絲唔想食太辣既野啦，所以我地就諗左好耐食邊一樣會好啲啦 結果，就問一問靚女待應邊樣會岩我地食多啲啦。佢真係好好態度，幫我地介紹晒所有野食wor 而且笑容好好，服務一流。
一開始就會上左啲小菜先啦，就係一啲傳統印度胡椒餅，同坊間大部分坊間的印度餐廳類近，都係好脆口既。另外，佢會配上二款醬，一個綠綠的薄荷醬，辣辣地，相當醒胃。啡啡地個隻燒烤醬，就會有少少果甜味。總體黎講都係唔差既。
兩個前菜好快亦就拎到我地面前啦，我地分別叫左Masala Papad(香辣薄脆)和 Chicken Tikka(串燒五香雞件)。
個Masala Papad 就係放一啲切粒既香料起個薄餅上一起食既小菜，用料不多，但食落有好清新with微辣既感覺，我就會推介大家可以卷起個餅，一次過食晒入面啲料，相當滋味。而且呢個菜十分開胃，而且份量不多，幾適合食量不太大既女生。
呢個Chicken Tikka 就係烤燒既雞肉，有大約四件，另附上一小舊檸檬。雞肉外皮烤得略焦，並塗上一啲紅色醬料，看起來己經係相當開胃。而雞肉就相當嫩滑，唔會烤得過老，處理得十分細心。大家可以落少許檸檬於雞肉外皮上，可以中和微焦既味道，食起來更加吸引。主菜方面，我同愛麗絲分別叫左Mixed Seafood Curry (咖喱海鮮)和Chicken Makhani(牛油蕃茄雞)
Mixed Seafood Curry呢個菜以鐵碗盛起，當中有蝦,有魚柳，種類相當多，而且份量亦好足夠。這個菜的咖喱十分香口，有微辣，但絕不會有攻鼻，相當易入口，就算平食不食辣既朋友都可以試一試，一定會有驚喜。唯一可改良既地方係漁鮮味不多，咖哩味蓋過了漁鮮味。不過，都係一碟相當好食既菜餚。
Chicken Makhani 則較Mixed Seafood Curry 既份量為少，不過雞肉照舊係又多又好味，絕對食到人 愛麗絲一向喜歡蕃咖既醬汁，呢個蕃咖既醬汁比較甜，配上飯確是一絕!!另外，二人set dinner 會送飯/Naan ，我地就各叫左一個啦。 上左個桶飯個陣，真係嚇左一嚇，小新少見多怪，頭一次見到用桶裝飯，令人留下好深印象。飯係印度飯，飯身較長，而且有少許椰香味，連埋main dish 既汁食，真係無得頂!!
Naan 方面，小新就覺得相當厚身，但是可以keep住軟身，配上咖哩汁，更加係更佳組合。所以，我地好快就清晒lu
呢個印度餐廳，食物質素好，唔會太辣，而且環境清靜，一大班人黎食得，好似我同愛麗絲咁，小口兩子黎食，亦係妥當。所以，我地極力推介呢間餐廳俾喜歡歎印度菜既大家
張貼
