江記燒鵝冰室

營業中

休息中

不經不覺又到左星期五啦，但又到咗月尾嘅階段，所以係屋企附近搵咗間燒味舖食，見佢都開咗一段時間決定幫襯下，我同朋友一個嗌咗咕嚕肉小菜配白飯，令一個點左燒味雙拼有乳豬同埋叉燒，先講下個燒味，乳豬咬落去脆皮香口而且肉質彈牙，唔會太多脂肪，而叉燒方面燒得好香口，加上蜜汁，用嚟撈飯一流，因為叉燒來講最怕得骨慘慘嘅味道，所以佢俾咗半肥瘦叉燒我去食覺得好欣慰，而小菜方面咕嚕肉做得幾好佢將個汁做得剛剛好唔會太過油膩而且配菜菠蘿同埋洋蔥都炒得好香口，加上甜酸醬用嚟送飯都冇得彈，飲品方面我哋點咗凍檸茶，正常發揮，下次可以燒埋試埋佢嘅燒男仔同埋其他燒味。