麵麵 (已結業)

記憶中嘅魚麵係細細個打邊爐嘅時候食，估唔到餐廳用魚麵做主題，除左魚麵仲有魚烏冬加埋魚湯，鮮味彈牙。一坐低職員會送上一杯細嘅魚湯，暖下個胃。叫咗一個燒安格斯牛肉撈魚烏冬，滿滿嘅牛，加上撈左芝麻醬嘅魚烏冬，非常之香，仲有泡菜嘅香辣味，不過如果牛肉再熱啲會比較好，另外加多隻溫泉蛋，令醬汁變到更加香濃。另外仲叫咗安格斯牛肉便當🍱，有一碗大大碗嘅魚湯，煮到好入味嘅安格斯牛，同埋餐廳嘅招牌魚春卷，每一樣主菜都配有唔同嘅小菜，令到胃口大開。