正宗上海生煎皇 (已結業)

本來見到雜誌同其他食評話呢到有上海既生煎包，一心諗住嚟試下啦。因為自從喺上海食過小楊生煎之後，一直喺香港都搵唔到接近既生煎包。個生煎包既外表同上海既都幾似，食落又睇下點先。四個生煎包入面，有三都個都係得好少湯既，剩返嗰一個先叫做似樣。個底係煎得唔平均，有一兩個係特別燶！同埋有三個係D皮互相貼住，分開時會整爛個包。呢D情況小楊都唔會出現。最後要講吓服務啦，明明D生煎包都煎好晒放喺度，我都唔明點解買完飛後要等成十分鐘先俾到D生煎包我？唔通要等個門面多D人等，製造個好受歡迎既假象？