影片
更多
2016-08-27
970 瀏覽
整體黎講，係一間無咩誠意既小店，唔值得專誠前來。路經的話都請繞道。因為真係唔好食。雖然賣相可以，但其實係形式大於內容，味道唔合格。尤其綜合埋價錢黎講，真係好唔抵食。全靠醬汁搭救的面：#韓式涼拌麵 $66周圍鋪滿左卷心菜、蘿蔔、洋蔥、芽菜同豆腐干，仲灑左芝麻係麵上面。賣相睇落唔錯。不過麵本身唔凍，而且偏油（可能想個麵滑身啲，但真心唔鐘意咁油）。麵質食落似銀針粉既口感，但係完全無味的。😵😵但其實個重點係個醬，點解呢，因為真係要多謝個醬，俾番唯一既味個麵，如果唔係真係會同個麵相對無言。個醬係酸甜既，帶有一丁點既辣。豆腐干麻麻地，硬身，話係泡菜無泡菜既辣味，話係豆干無豆既香味，如果落番泡菜會好啲。😥😥總之呢個就係將一堆無味既野放埋一齊，等個醬汁搭救既麵，個味道分完全係為個醬汁而設。其實拌麵黎講醬真係好重要，但麵本身都應該要凍少少同少啲油。------------------------------味道：6.5/10------------------------------👎🏻形式大於內在的「甜品」：#亞朱媽年糕多士和雪糕大戰紫薯 $63拋個名出黎真係嚇得下人，又年糕又多士又雪糕又紫薯，感覺好
全靠醬汁搭救的面：#韓式涼拌麵 $66
周圍鋪滿左卷心菜、蘿蔔、洋蔥、芽菜同豆腐干，仲灑左芝麻係麵上面。賣相睇落唔錯。不過麵本身唔凍，而且偏油（可能想個麵滑身啲，但真心唔鐘意咁油）。麵質食落似銀針粉既口感，但係完全無味的。😵😵
但其實個重點係個醬，點解呢，因為真係要多謝個醬，俾番唯一既味個麵，如果唔係真係會同個麵相對無言。個醬係酸甜既，帶有一丁點既辣。
豆腐干麻麻地，硬身，話係泡菜無泡菜既辣味，話係豆干無豆既香味，如果落番泡菜會好啲。😥😥
總之呢個就係將一堆無味既野放埋一齊，等個醬汁搭救既麵，個味道分完全係為個醬汁而設。其實拌麵黎講醬真係好重要，但麵本身都應該要凍少少同少啲油。
------------------------------
味道：6.5/10
------------------------------
👎🏻形式大於內在的「甜品」：#亞朱媽年糕多士和雪糕大戰紫薯 $63
拋個名出黎真係嚇得下人，又年糕又多士又雪糕又紫薯，感覺好豐富好滿足。但實際係每一樣野都無乜味，全部都係茄呢啡咁。😰😰😰
首先講下個年糕多士，其實即係兩塊多士奮住紫薯再奮麻糬，聽落好多野咁，但其實都只係薄薄一層，而紫薯味真係一啲都唔出。😩唯一可取既係多士少脆唔會硬掘掘，配合到麻糬煙韌既口感。但個重點係：無味既。😲😲😲
-
再講下個雪糕，其實出名好多多士/多士盒都係因為個雪糕而生色不少，重點在於雪糕半溶令多士濕潤同埋一冷一熱既口感，仲有雪糕本身既味道。如果就以上兩點，呢個雪糕全fail。😩😩😩
個雪糕係要用刀用力切先分割到，叉吉都吉唔到入去。切完要自己一舊一舊鋪番上個多士到（奢望可以俾到個無味多士少少味），但雪糕同多士就好似反左面咁，完全一齊唔到，好分離。好無癮。😤😤
個味方面，真係要就咁daap舊雪糕daap好一陣子先食到少少豆腐味（唔知有無食錯）。放落個多士到，直程無味。
唔知舊雪糕既作用係咩。😰😰
-
如果話呢舊野係甜品，真係完全fail。👎🏻👎🏻👎🏻
食甜品係想有嚐甜既滿足感，但無，因為乜都無味。仲要感覺澱粉質好重，因為又年糕又多士，但無突出既甜味去綜合一下。其實係韓國食過好食既麻糬多士，佢地會將個餡同個麻糬調下味，唔會咁單調。
如果無左舊雪糕（雖然係唔易溶同唔甜），呢個真係可以做主食。
其實睇左網上食評對呢個都幾有期望，但真心好失望。味道唔好，野食無誠意，交個形式出黎好似好有gimmick咁，但又唔充實一下內在。性價比非常低。重點係食完呢個甜品都滯滯地，但完全無滿足感，真係食到嬲嬲地。
------------------------------
味道：5/10
張貼
