影片
更多
2016-11-25
588 瀏覽
彩虹沙冰，圓筒杯 $26葵涌廣場，蘋果乾我真係少黎，事關要轉車再轉車，對上一次黎好似係N年前嘅事啦！聽聞好似無咩大改變，唯一改變嘅係多咗好多小食店呀😆😆好啦，為咗食，蘋果乾又出動啦⋯⋯食咗好多好多😅食評依家野，一個一個慢慢黎啦😆第一個進攻嘅就係Little Jobs!!🌈🔫好啦，十個黎十個都會點嘅彩虹冰沙機關槍🌈🔫，蘋果乾我真係，真係想要，但其實一個人真係飲唔晒1000ml，唔好浪費，所以我最終都點咗圓形杯：500ml；拿拿拿，注意番下先，味道要自己倒嘅，每一個味道就代表一個顏色，整唔整到彩虹嘅靚就⋯加油啦😆味道方面有8種味道：荔枝，奇異果，波蘿，藍莓，藍桔香蜜，士多啤梨，白桃，百香果；咁多種味道/顏色，大家真係諗好度好先落手呀，事關只限倒滿一次，整衰咗無得返轉頭嫁！（杯方面有5種選擇：鴨仔杯，自助冰沙杯，圓筒杯，水筒杯，槍形杯，放心慢慢揀，總有一個啱你嘅😊）同場加映：榛子撻 $28Little jobs 搞搞小玩意，今期推出撻～撻！有芝士酥皮撻，自拍芝士酥皮撻同榛子撻，芝士撻我就試個但榛子撻就想試試！注意，即叫即整，所以需要啲等候時間；首先，焗熱個撻，跟住放一大撻嘅朱古力榛子做底，再
葵涌廣場，蘋果乾我真係少黎，事關要轉車再轉車，對上一次黎好似係N年前嘅事啦！聽聞好似無咩大改變，唯一改變嘅係多咗好多小食店呀😆😆好啦，為咗食，蘋果乾又出動啦⋯⋯食咗好多好多😅食評依家野，一個一個慢慢黎啦😆第一個進攻嘅就係Little Jobs!!🌈🔫
好啦，十個黎十個都會點嘅彩虹冰沙機關槍🌈🔫，蘋果乾我真係，真係想要，但其實一個人真係飲唔晒1000ml，唔好浪費，所以我最終都點咗圓形杯：500ml；拿拿拿，注意番下先，味道要自己倒嘅，每一個味道就代表一個顏色，整唔整到彩虹嘅靚就⋯加油啦😆味道方面有8種味道：荔枝，奇異果，波蘿，藍莓，藍桔香蜜，士多啤梨，白桃，百香果；咁多種味道/顏色，大家真係諗好度好先落手呀，事關只限倒滿一次，整衰咗無得返轉頭嫁！
（杯方面有5種選擇：鴨仔杯，自助冰沙杯，圓筒杯，水筒杯，槍形杯，放心慢慢揀，總有一個啱你嘅😊）
同場加映：榛子撻 $28
Little jobs 搞搞小玩意，今期推出撻～撻！有芝士酥皮撻，自拍芝士酥皮撻同榛子撻，芝士撻我就試個但榛子撻就想試試！
注意，即叫即整，所以需要啲等候時間；首先，焗熱個撻，跟住放一大撻嘅朱古力榛子做底，再鋪上新鮮即切嘅香蕉粒，再焗，之後再放上圓碌碌嘅棉花糖，焗呀焗，登登登，有得食啦！咪睇個樣咁，就係一咬即脆，好鬼酥脆，既然咁酥脆，當啲香蕉同朱古力榛子會好合作嘅不齊流出黎（依個時候請你拎紙巾出黎抹抹咀👄）當你覺得啲香蕉有啲淡時，放心，朱古力榛子會即時補上，唔會令你失望，真係邊食邊滿足同罪惡，罪惡啲咩？梗係我啲脂肪啦😆
P.S：欣賞店家做法，憑杯添飲減$8，既環保又減低成本，WinWin👍🏻；同埋自己泡製飲杯，多咗機會比小朋友去試去學，唔錯嘅做法！
張貼
