影片
更多
2018-08-03
461 瀏覽
去年，差不多時間，我以 75 折優惠光顧（有寫食評）確係抵～（冇做優惠前，真係有啲拍蚊）今年，改了 85 折優惠，好過無～ 一如既往，點了 Classic Caesar Salad, with smoked salmon（三文魚新鮮），Baby Back Ribs（個汁不得了），水準依然理想～其實，今次好大因素為了個彩虹蛋糕而來，上次好飽冇點～ 一直，對個蛋糕都充滿幻想，佢有四隻色，我以爲四隻色會有唔同味，點知，原來只是普通海綿蛋糕味道，真係幻想破滅，然而，佢嗰兩吋厚忌廉確係邪惡，夠滑但不夠香～ 件蛋糕視覺效果確係好討人歡喜嘅，不過，要是對味覺都有一定要求的，就慳返唔使點（$118）、或點其他口味蛋糕～今年七月特別熱，兩個人點咗榨 Homemade Lemonade（$168），好天真以為可以 K.O. 到，奈何餐廳冷氣都好凍，根本唔使叫成榨嚟消暑、或配餐，頂多叫兩杯（$55 杯）、慳返幾草嘢，你知啦，而家搵食艱難～ 如果，三個人起，叫一榨就划算（五個人都夠飲），好彩，我男友咁啱有水壼，打包咗啲走～ 打折平了 $84.6，心意甜頭、大家開心～溫馨提示：OpenRice 85 折優惠，只
其實，今次好大因素為了個彩虹蛋糕而來，上次好飽冇點～ 一直，對個蛋糕都充滿幻想，佢有四隻色，我以爲四隻色會有唔同味，點知，原來只是普通海綿蛋糕味道，真係幻想破滅，然而，佢嗰兩吋厚忌廉確係邪惡，夠滑但不夠香～ 件蛋糕視覺效果確係好討人歡喜嘅，不過，要是對味覺都有一定要求的，就慳返唔使點（$118）、或點其他口味蛋糕～
今年七月特別熱，兩個人點咗榨 Homemade Lemonade（$168），好天真以為可以 K.O. 到，奈何餐廳冷氣都好凍，根本唔使叫成榨嚟消暑、或配餐，頂多叫兩杯（$55 杯）、慳返幾草嘢，你知啦，而家搵食艱難～ 如果，三個人起，叫一榨就划算（五個人都夠飲），好彩，我男友咁啱有水壼，打包咗啲走～ 打折平了 $84.6，心意甜頭、大家開心～
溫馨提示：OpenRice 85 折優惠，只適用於食物、飲品唔計；加一的價錢，係以原價全單計算，餐廳 21:15 last order, 22:00 關門（理解唔到點解咁早），如果想享受氣氛的晚餐，最遲 19:30 好入座，食物遲遲未吃完，員工們會挺擔心地、常用眼神關注你枱上的食物（乃人之常情）；另外，食物份量也挺大，二人難於多選擇、大夥兒光顧就很適合～
這𥚃充滿懷舊 Chicago 裝潢，每次嚟都很令人陶醉，彷彿暫時逃離香港、這煩人之地～
16 瀏覽
0 讚好
0 留言
37 瀏覽
0 讚好
0 留言
16 瀏覽
0 讚好
0 留言
張貼
