影片
更多
2022-09-19
595 瀏覽
本來約左另一間餐廳同朋友慶祝生日，見到網紅嚟左打卡好想轉食呢間，竟然仲即日book到，滿心歡喜地期待當晚既約會。8點半嚟到，Staff話我地book左8點鐘遲左，張枱只會保留10分鐘，已經比左其他人，要坐就只可以坐露台位，原來係朋友記錯左book枱時間。我望一望手上既蛋糕，雖然露台位有d熱，但畢竟係自己人既錯，臨急臨忙亦都搵唔到其他餐廳，唯有照要啦。朋友做野要遲到，職員再三提醒9pm last order，決定好就一次過叫，10:30pm要交枱，匆忙地揀左幾道菜，等待朋友既到來。期間隔離枱既男仕叫waiter幫忙教電話入面迷路既女伴點行過嚟餐廳，教左一陣，waiter既語氣都好似有D嫌煩，非常影響感觀，只好期待美食配得返個靚景。暖糯糯嘅麵包，配黑醋橄欖油好好味Stir-fried Seasonal Vegetables with Anchovy好夠味既鯷魚炒雜菜，但作為前菜味道稍濃Signature Spaghetti with 24 Months Parmesan Cheese & Black Truffle Paste入返室內睇表演，師傅用火槍燒溶巴馬臣芝士，將煮好既黑松露past
8點半嚟到，Staff話我地book左8點鐘遲左，張枱只會保留10分鐘，已經比左其他人，要坐就只可以坐露台位，原來係朋友記錯左book枱時間。我望一望手上既蛋糕，雖然露台位有d熱，但畢竟係自己人既錯，臨急臨忙亦都搵唔到其他餐廳，唯有照要啦。
朋友做野要遲到，職員再三提醒9pm last order，決定好就一次過叫，10:30pm要交枱，匆忙地揀左幾道菜，等待朋友既到來。期間隔離枱既男仕叫waiter幫忙教電話入面迷路既女伴點行過嚟餐廳，教左一陣，waiter既語氣都好似有D嫌煩，非常影響感觀，只好期待美食配得返個靚景。
暖糯糯嘅麵包，配黑醋橄欖油好好味
Stir-fried Seasonal Vegetables with Anchovy
好夠味既鯷魚炒雜菜，但作為前菜味道稍濃
Signature Spaghetti with 24 Months Parmesan Cheese & Black Truffle Paste
入返室內睇表演，師傅用火槍燒溶巴馬臣芝士，將煮好既黑松露pasta倒入芝士，撈完放返入煎pan，刮出一片片嘅芝士落去再煮，打卡嚟講非常好，食落係好濃烈嘅芝士味，將黑松露味完全蓋過，share嚟食都有d濟同膩
Slow-cooked Yellow Chicken with Porcini Foam
叫左cod fish嚟錯左雞，見太夜就收爐都無特登講，反而呢道菜係最有驚喜，由牛肝菌整成嘅泡配上嫩滑嘅慢煮雞肉，口感相當獨特，而皮既部份亦好香口
Risotto Milanese with Wagya Ox-Tail
意大利飯好多汁，但食唔出黃色既係咩汁，中間大大件和牛尾，牛味好濃，但肉既份量並唔多，真係好珍貴
Baked Green Apple Filo Pastry with Ice-cream
薄脆既外皮包裹住肉桂粉同蘋果粒，形成一個口袋形狀，睇得出外皮好考功夫，但始終唔太鐘意呢種肉桂味，小瓶入面既吉士汁過於水狀，雲呢嗱雪糕幾creamy
整體食物都唔差，但服務方面真係好有改善空間
1. 我地見室內其實一直有吉位，但佢話遲左嚟唔比
2. 教鄰桌客人朋友去餐廳既路線唔耐煩
3. 換碟唔講聲，突然伸過黎都有d嚇親
4. 人手不足要自己斟水
5. 朋友係門口等左幾分鐘都無人serve
6. 切蛋糕執枱執得好求其
7. 就快十點半要離座既時侯聽到有staff自己傾偈話趕住收工
慢煮雞夠特別同香口，Pasta同Risotto反而比想像中差，OTE既餐廳露台觀景好似幾間都差唔多，但遇到咁嘅服務，下次會慎選其它餐廳
張貼
