辻利茶舗 (已結業)

今日出咗觀塘APM行街，本來諗住去春水堂飲台式奶茶，點知大排長龍⋯⋯行行吓發現有間日式茶飲，仲要可以食茶漬飯和我最愛的蕨餅，二話不說，行咗入去坐低。座位方面，餐廳面積好細，好彩入面有兩個卡位。餐廳全自助，買好食物後自行攞回座位上而食飽後記得執返去收銀處。今次我點左明太子茶漬飯套餐($82)，附送四件黑蜜蕨餅和玄米茶。茶漬飯啲湯用茶壺盛上，保證熱辣辣。明太子味道濃郁，同喺日本食嘅一樣，茶漬飯湯底有木魚香味，邊食邊倒入湯汁，唔錯。最正係黑蜜蕨餅，係香港好少地方食都，味道同日本水平一樣。而老公點左鰻魚飯加西柚特飲，佢話都唔錯。希望可以快啲去京都旅行～去唔到唯有得閒嚟呢度食下～