俺流塩らーめん (新都會廣場)

營業中

休息中

朋友知道我鍾意食拉麵，又知我最近未能去東京喇！所以佢誠意推薦我去試一試葵芳呢一間來自日本涉谷的拉麵店，等我止癢。晚了一點到達，不用排隊我點了俺流熟成濃湯拉麵。湯底係用雞骨、豬骨、香葱餚成。這個熟成濃湯比起一般拉麵店的豬骨湯淡味少少，但我可以肯定佢係冇味精，因為食完之後唔會好口渴。以前試過喺其他拉麵店，食完豬骨湯拉麵，飲咗大半公升水。呢度嘅叉燒比一般拉麵店厚三倍，我十分喜歡。玉子還可以，但兩隻蛋一隻靚，一隻唔靚。好多種唔同嘅醬料擺喺枱面，包括梅子醬、柚子胡椒、黑蒜蓉，全部任加，可以自己調製自己碗麵嘅味！不過我今次冇加，想試吓原味。其實朋友係誠意推薦人氣「黑蒜油熟成濃湯拉麵」，不過今日唔想食咁濃味的，下次有機會，會再來嘗試。