影片
更多
2013-06-14
303 瀏覽
難得貓媽得閒,忌廉貓就同貓媽去銅鑼灣SHOPPING啦!SHOPPING前就去左依度食LUNCH選擇依度最大既原因係依度標榜用自家出品既食材,而貓媽係個崇尚天然既"半素食" 者,於是就帶佢黎依度試下啦由於無訂檯, 我地就被安排坐BAR檯, 但都OK, 坐得幾舒服, 燈光柔和, 仲可以望住日籍型男大廚烹調菜色TIM! 不過下次黎就應該會訂檯坐室外座, 因為感覺好寫意好RELAX D雖然先十二點幾, 但已經有兩檯日本家庭食緊, 感覺依度既野食應該幾有日本風味LUNCH TIME 無 A LA CARTE, 得LUNCH SET, 但都有唔少選擇。我同貓媽都不約而同選擇左雜錦天婦羅伴牛油果白飯魚盖飯($110)。哈哈,無他既, 貪佢依個配搭新鮮唔係周圍有,而且我地兩個都好中意食牛油果!落左ORDER無耐就上左跟LUNCH SET既沙律啦! 其實不嬲對LUNCH SET 附送既SALAD都無乜EXPECTATION, 只要OKAY新鮮便可。但依個SALAD真係令忌廉貓喜出望外,貓媽亦對佢讚不絕口! 首先,D 菜係十分新鮮, 再加上先家製既柚子沙律醬(注意唔係汁! 其實有d 餐廳都會用柚子味既d
難得貓媽得閒,忌廉貓就同貓媽去銅鑼灣SHOPPING啦!SHOPPING前就去左依度食LUNCH
選擇依度最大既原因係依度標榜用自家出品既食材,而貓媽係個崇尚天然既"半素食" 者,於是就帶佢黎依度試下啦
由於無訂檯, 我地就被安排坐BAR檯, 但都OK, 坐得幾舒服, 燈光柔和, 仲可以望住日籍型男大廚烹調菜色TIM! 不過下次黎就應該會訂檯坐室外座, 因為感覺好寫意好RELAX D
雖然先十二點幾, 但已經有兩檯日本家庭食緊, 感覺依度既野食應該幾有日本風味
LUNCH TIME 無 A LA CARTE, 得LUNCH SET, 但都有唔少選擇。我同貓媽都不約而同選擇左雜錦天婦羅伴牛油果白飯魚盖飯($110)。哈哈,無他既, 貪佢依個配搭新鮮唔係周圍有,而且我地兩個都好中意食牛油果!
落左ORDER無耐就上左跟LUNCH SET既沙律啦!
其實不嬲對LUNCH SET 附送既SALAD都無乜EXPECTATION, 只要OKAY新鮮便可。但依個SALAD真係令忌廉貓喜出望外,貓媽亦對佢讚不絕口! 首先,D 菜係十分新鮮, 再加上先家製既柚子沙律醬(注意唔係汁! 其實有d 餐廳都會用柚子味既dressing,但多數係水狀而唔係醬!), 酸酸甜甜又夠凍,真係好refreshing,好岩夏天食! 下次黎嗌 a la carte一定會試沙律
跟住個set一上亦都令我地喜出望外,個set豐富之外 d 天婦羅炸漿薄又新鮮
首先試個味噌湯。忌廉貓其實不嬲麻麻地味噌湯,因為好多時飲親都係太鹹...但係依碗就鹹淡適中, 入面仲有好多大白菜同白蘿蔔切片,正!天婦羅熱辣辣, 食落口炸漿雖然比日本食既厚少少,但都算係中上水準, 炸漿脆而d 食材好juicy! 而且佢既份量都好多, 又有一d平時少見既天婦羅食材,如苦瓜同蓮藕, 令中意食天婦羅同蔬菜既忌廉貓食得好滿足! 忌廉貓最中意茄子、冬菇同南瓜。 茄子綿軟同外層既炸漿一齊食好夾; 冬菇夠juicy; 南瓜就香甜夠粉
至於個牛油果白飯魚盖飯呢, 睇落好似無咩味比較寡,但其實d飯本身有落少少豉油。將牛油果、白飯魚同雜谷米拌勻黎食, 牛油果既油潤、白飯魚既鮮香同雜谷米既口感係出奇地夾! 嫌唔夠味可以落跟餐既抹茶鹽, 有提味既作用 依碗飯簡單但絕對美味,亦係貓媽依餐既最愛
最後不得不提既係佢個煮物--茄子(相片左上角)! 雖然份量不大但係好惹味, 超級下飯的! 不過佢既煮物好似次次都唔同款呢, 下次再食都唔知食唔食到
食晒成個set係好飽好飽的(對女士來說), 所以餐茶只係嗌左熱檸水囉~~
總括而言, dining kitchen vegi雖然比較細,但環境好relax, 食物新鮮又好味, 加上日籍既大廚同待應生, 感覺有如置身於日本, 所以係絕對值得一試的
下次帶維園阿伯去食先
張貼
