方叔叔重慶老火鍋 (如心廣場一期)

營業中

休息中

今日我嚟到位於荃灣如心廣場嘅方叔叔重慶火鍋分店食飯，最近佢哋呢就做緊菜單嘅降價，唔少食物都平咗，同埋仲有免加一服務費添，聽講佢哋用嘅湯底係唔會落香精嘅。嫩牛肉，呢個牛肉入口非常之嫩滑，切得仲比較厚添，非常之有咬口。美國桶蠔，桶蠔嘅份量都比平時自己響超市買到嘅大，入口又好香嘅好香，仲非常之鮮甜添。蝦滑，入口有濃郁嘅蝦肉香味，仲非常之彈牙。烏冬，烏冬嘅份量都唔少，啱晒兩個人一齊食，入口非常之彈牙，吸收咗湯汁嘅精華，真係好好味呀。紅糖糍粑，啱啱新鮮炸起，外脆內軟。食嘅時候要小心，入邊嘅紅糖可能會好熱。牛舌，牛舌入口有香濃嘅牛肉香味，仲有油脂香，真係幾好味。整體嚟講，我覺得今餐嘅食物質素都唔錯，唔少食物都幾有特色，加埋最近又做緊特價，真係好吸引呀。