影片
更多
2017-12-19
141 瀏覽
卷福在上環一個T字路口, 我入去食嘢純粹是因為就腳, 晚飯時間唔想四圍搵地方醫肚, 剛過馬路見到有間中餐館就鑽咗入去, 但卻估唔到這間不起眼的小店, 中式小菜認真唔錯! 我們共叫了四味餸, 第一道菜是士多啤梨骨, 生炒骨我就食得多, 士多啤梨骨又幾特別哦! 炸得脆卜卜的豬肉表面上裹了一層用士多啤梨調教的汁,酸酸甜甜, 比我們平時食開的生炒骨要好食得多, 而且D汁的顏色紅紅哋, 仲有些切了片的士多啤梨與豬肉炒埋一齊, 見到都好有開胃, 食起上來更加可以食不停口, 豬肉炸得好脆, D汁教得啱啱好, 唔太甜又唔太酸, 好開胃, 第一道菜已經令人胃口大開. 跟住食的是小龍蝦泡飯, 店家將炸了的米飯當住我們的面放進小龍蝦湯中, 並告訴我們要浸幾分鐘才好食, 於是我們幾分鐘之後每人舀了一碗小龍蝦泡飯來食, 先飲湯, 小龍蝦湯很是鮮甜, 有蝦膏的香, 有鮮蝦的甜, 有香蔥的香, 炸過的米飯浸了湯之後, 仲有少少脆口, 但已索晒龍蝦湯精華, 小小脆得來又很有滋味, 呢個小龍蝦泡飯值得俾個”Like”! 除咗經典的廣東菜, 這間都有得食川菜, 這點倒是讓人非常惊喜, 菜式多元化, 我們又可以
我們共叫了四味餸, 第一道菜是士多啤梨骨, 生炒骨我就食得多, 士多啤梨骨又幾特別哦! 炸得脆卜卜的豬肉表面上裹了一層用士多啤梨調教的汁,酸酸甜甜, 比我們平時食開的生炒骨要好食得多, 而且D汁的顏色紅紅哋, 仲有些切了片的士多啤梨與豬肉炒埋一齊, 見到都好有開胃, 食起上來更加可以食不停口, 豬肉炸得好脆, D汁教得啱啱好, 唔太甜又唔太酸, 好開胃, 第一道菜已經令人胃口大開.
跟住食的是小龍蝦泡飯, 店家將炸了的米飯當住我們的面放進小龍蝦湯中, 並告訴我們要浸幾分鐘才好食, 於是我們幾分鐘之後每人舀了一碗小龍蝦泡飯來食, 先飲湯, 小龍蝦湯很是鮮甜, 有蝦膏的香, 有鮮蝦的甜, 有香蔥的香, 炸過的米飯浸了湯之後, 仲有少少脆口, 但已索晒龍蝦湯精華, 小小脆得來又很有滋味, 呢個小龍蝦泡飯值得俾個”Like”!
除咗經典的廣東菜, 這間都有得食川菜, 這點倒是讓人非常惊喜, 菜式多元化, 我們又可以食多幾款完全唔同口味的菜式, 所以我們叫了個典型的川菜”水煮魚”, 水煮魚上枱時是用一個巨大的湯碗裝住的, 紅油封住整個碗(其實可以叫盆)的表面, 見到白色的厚厚的魚片肉, 浮在碗面, 而且聞到陣陣麻辣香味, 頓時令人垂涎欲滴, 夾了片魚肉送入口, 魚肉嫩滑無比, 小小辣, 小小麻, 味道相當不錯! 裡面仲有爽口的芽菜及油麥菜, 呢道水煮魚可以送幾碗飯落肚, 又香又辣又好味! 川菜都一樣咁出色!
最後我們來了一道甜品, 是即叫即做的炸香蕉, 香蕉用脆漿裹住炸, 新鮮出爐, 表面洒了些糖粉, 入口真的脆到索索聲的脆皮, 但裡面又軟林林香甜的香蕉, 口感好特別, 而且好多年都沒有食炸香蕉了, 現在這間卷福有得再食番, 真的是好好回味了一番.
無論廣式菜的士多單梨骨, 還是川式菜的水煮魚, 到有最後的甜品炸香蕉, 這間小小的中菜館都俾了唔少惊喜比我們, 非常開心無意中經過的小店卻是如此的有水準, 值得”讚”.
張貼
