茶舍 (淘大商場2期)

營業中

休息中

今日睇完戲，去咗間茶餐廳食，點知呢一間茶餐廳好似Cafe咁樣，又有特飲，又有西式嘢食。又有港式，又有日式，又有西式。仲有樽仔飲品同埋芝士蛋糕，跟午餐叫特色飲品都只不過係加$20到，芝士蛋糕跟餐叫都係加$16。仲全日免+1服務費。魚柳包餐的魚柳很大件，配上千島醬，好食過快餐店好多，蕃茄多汁到標出嚟， 10分Juicy。黑椒牛柳餐配上薯菜，原來這裏的薯條特別香脆特別多，薯條除咗點茄汁之外，其實點黑椒汁亦都非常之配合。牛柳叫咗七成熟，一啲都唔韌，反而中間仲係粉嫩的，非常嫩滑。雖然食咗咁多熱氣嘢，但是這裏的特飲非常之清新，是鮮榨的果汁，這個水果茶入面有新鮮草莓，香橙，火龍果，幫助腸臟蠕動，而且成杯嘢好大杯，基本上滿到寫咁滯這個沙冰草莓味很真，證明真的用新鮮水果打成，非常之夏天，而且又解渴。