大澳榕樹頭

營業中

休息中

放假諗住入大澳搵間cafe過個休閒下午，帶位既姐姐好friendly 好有禮貌話仲話可以慢慢坐享受一下，感覺貼心。但食物既質素同價錢真係令人非常失望！蛋糕同飲品都係用即棄餐具上，凍咖啡用熱飲紙杯裝，咁唔專業枉為cafe，賣相大大扣分，味道亦好一般，仲要收加一！算啦，山長水遠入黎諗住慢慢歎啦，點知坐坐下一大班人走入黎，個姐姐仲要主動同佢地講唔好意思無煙灰缸，然後俾左個紙杯示意佢地可以用黎裝煙灰。下！乜食得煙架咩，有無考慮其他在場客人既感受！建議介意二手煙者及在意食物質素者慎重考慮光顧！