影片
更多
2009-10-27
155 瀏覽
前兩天趁住放假,一家人下午二点幾入到大澳,第一時間橫掃街頭小吃,南瓜做皮的茶果幾有特式,味道唔錯, 炭燒魷魚好香,仲有燒黃花魚春,第一次食幾香口,炸蕃薯,仲有炸芋頭片,芋頭好粉好好味,咖喱魚旦同魷魚,咖喱汁好好味,豆花都ok,一路都食得好開心, 到左晚飯時間,去左一間叫好景既海鮮酒家,叫左個二個套餐,水準真係麻麻,咁既價錢食d咁野真係唔值.1. 蠔仔粥 – 得個咸字,無蠔鮮味只有冬菜咸味2. 大澳炒飯 – 本身飯的質地已經唔得,又唔夠獲氣,蝦醬太少唔夠味(乜蝦醬好貴咩)3. 盬焗雞 – 七十元得半隻仲要係無雞味,好失望.4. 香煎墨魚餅 – 煎得唔夠香口仲好油膩, 不過呢個算係最正常5. 姜蔥炒海蟹 – 嘩!!隻蟹細到好似唔洗俾人食咁,上枱時仲有係凍架.埋單成惠三百幾,我情願佢收貴D, 菜式做好D仲好啦, 我個人覺得好影響大澳水鄉之名囉.
1. 蠔仔粥 – 得個咸字,無蠔鮮味只有冬菜咸味
2. 大澳炒飯 – 本身飯的質地已經唔得,又唔夠獲氣,蝦醬太少唔夠味(乜蝦醬好貴咩)
3. 盬焗雞 – 七十元得半隻仲要係無雞味,好失望.
4. 香煎墨魚餅 – 煎得唔夠香口仲好油膩, 不過呢個算係最正常
5. 姜蔥炒海蟹 – 嘩!!隻蟹細到好似唔洗俾人食咁,上枱時仲有係凍架.
埋單成惠三百幾,我情願佢收貴D, 菜式做好D仲好啦, 我個人覺得好影響大澳水鄉之名囉.
張貼