たまご園 (奧海城二期)

營業中

休息中

落單嗰陣叫咗四樣嘢，個侍應冇用紙寫低就咁記住。然後嚟咗三樣嘢之後，諗住等齊四份先開食。等到啲嘢凍哂，問一問個侍應，先發現佢點漏咗個意粉。一句唔好意思都冇。之後見有卡位空咗。因為我哋未開始食，所以想問吓可唔可以轉位。原本嗰張枱太細，勉強放得晒啲碟。其實純粹想問一問，冇話一定要轉。嗰個人勁大聲諷刺咁同另一個人講”要轉位啊！”。今次體驗真係勁差，之後睇返OpenRice啲評價，先發現原來唔只我一個覺得服務唔掂。明太子意粉好食，但其餘黑咖喱飯同玉子燒覺得還好。水準不過不失。但衛生有問題，玉子燒有條頭髮！就嚟食晒先發現，本身諗住叫埋疏乎厘，即刻冇晒胃口。唔會再嚟呢間，無謂為咗打卡，又要受人氣，嘢食又唔係特別好食。