影片
更多
2022-05-01
163 瀏覽
今日去完九龍灣侏羅紀公園個Exhibition之後睇吓附近有乜嘢餐廳適合一家大細去食個舒適嘅午餐！本身諗住去一間都頗出名嘅茶餐廳但係經過話聽到要等位就算啦。跟住再行前啲見到有一間命名為魚木的餐廳諗住成日都飲茶就試吓啲日台式嘅餐廳啦！上到去見到魚木隔離嗰間食熱狗嘅就滿座，而佢哋呢間呢就空空如也，唔使等，仲有好多枱任坐！其實行入去果一刻都有啲好驚會唔會中伏，但係因為實在太肚餓，又見佢價錢合理，同埋感覺又頗為乾淨就入咗去lu!入到去一樣要scan安心出行、針卡，然後問我哋幾多位咁我哋一家大細，兩公婆加一對小朋友老闆好有心機咁問我哋要唔要BB櫈我哋話好咁就見到佢攞消毒濕紙巾出嚟把兩張BB櫈抹乾淨之後就俾咗我哋啦。佢哋係自助用手機scan QR code去落單，但係本人喜歡看實在的Menu，所以問佢哋比Menu我哋睇。我成日都覺得好好笑就係其實一張枱有兩個大人你淨係比一本Menu我哋…咁我哋點睇呢？係唔係expect我哋一個睇完之後就比另外一個睇呢？ 所以我又一樣問佢攞多咗個Menu等我可以同我老公同一時間睇個Menu同埋Discuz食乜嘢。個老闆突然走過來同我哋講話佢哋嘅黑松露芝士意粉好受小朋
上到去見到魚木隔離嗰間食熱狗嘅就滿座，而佢哋呢間呢就空空如也，唔使等，仲有好多枱任坐！其實行入去果一刻都有啲好驚會唔會中伏，但係因為實在太肚餓，又見佢價錢合理，同埋感覺又頗為乾淨就入咗去lu!
入到去一樣要scan安心出行、針卡，然後問我哋幾多位咁我哋一家大細，兩公婆加一對小朋友老闆好有心機咁問我哋要唔要BB櫈我哋話好咁就見到佢攞消毒濕紙巾出嚟把兩張BB櫈抹乾淨之後就俾咗我哋啦。
佢哋係自助用手機scan QR code去落單，但係本人喜歡看實在的Menu，所以問佢哋比Menu我哋睇。我成日都覺得好好笑就係其實一張枱有兩個大人你淨係比一本Menu我哋…咁我哋點睇呢？係唔係expect我哋一個睇完之後就比另外一個睇呢？ 所以我又一樣問佢攞多咗個Menu等我可以同我老公同一時間睇個Menu同埋Discuz食乜嘢。
個老闆突然走過來同我哋講話佢哋嘅黑松露芝士意粉好受小朋友歡迎，可以叫我哋一試，但係本人喜歡點一些自己喺屋企會比較難煮的dish，所以就冇同點同埋我小朋友本身唔係好太接受到黑松露嘅味道。
我哋最後點左以下（佢每一個午餐都會跟少量中華沙律和一粒糯米糍）：
1. 肉燥豬軟骨軟骨飯配滷蛋飲熱大麥茶 $58
- 味道唔錯，唔會有太大味精的感覺。
-豬軟骨稍為乾咗一點
-肉醋好味唔會很油膩的感覺
-滷蛋如果佢係溜心就會更加正。其實唔知佢係想整溜心定全熟…因為個蛋黃係9.5成熟🤣
2. 慢煮煎風牛柳丼飲熱大麥茶 $82
-冇特別
-牛柳好乾
-唔建議order
3.西京潰比目魚丼 （俾小朋友食）$90
-比目魚煎得很好一啲都唔油膩嘅感覺
-小朋友食很適合
4.章魚燒小丸子 （4粒）$20
-喜歡食章魚小丸子的朋友可以一試
5. 墨魚雙拼 （墨魚餅拼墨魚咀）$30
-炸墨魚咀好味不過得四粒
-墨魚餅得壹塊得半個手掌咁大炸醬多個墨魚料
-價錢同啲都同食物的portion 不合正比
6.鮑魚川貝無花果羅漢果蘋果湯 $12
-有啲似飲緊中藥
呢餐飯有一個小插曲都可以同大家分享就係我老公佢食飯嘅時候好胃痛，因為早上空肚食了藥而導致佢胃抽筋…而老闆亦都見到就特登俾咗一杯熱嘅牛奶我先生飲，佢話飲完會好啲的而且確飲完佢個胃真係唔再痛感覺好返少少至少可以開始進食午餐
但係當我老公好胃痛嘅時候佢其中一個侍應就無啦啦走咗埋嚟同我講話不如我幫你收起咗先我老公成成個慢煮煎風牛柳丼只係畢咗一羹飯食成嗰餐係未食過（我仲心諗佢真係細心）我同佢講好你幫我pack起佢先。跟住到我先生好返一點的時候我同佢講話可以攞返出嚟俾佢食點知佢就同我講話佢到咗…嗰一刻我話吓佢成個餐未食過個喎跟住佢話係呀…佢仲叫我再order過….然之後個老闆過嚟了解一下之後佢就話OK再整個比我地。
🥰我真係好多謝個老闆如果唔係佢叫啲同事整一杯熱奶俾佢，我覺得我老公好個胃會一直抽筋落去。🥰
食完佢哋個午餐之後就會明白點解喺午飯時間隔離餐廳就會滿座，而佢哋就空空如也，但係就係因為呢一個事件，我亦都希望大家可以去幫襯一下佢！
張貼
