RAKU 楽by Eric Kwok

營業中

休息中

在佐敦近柯士甸站竟然有一間如此Chill的燒鳥店，唔洗再坐到迫迫夾夾，D食物質素都唔錯，而且紅酒白酒同Sake嘅選擇都多。呢個汁燒日本槍魷魚真係幾好食，槍魷魚肉質新鮮不在話下，佢落爐燒嗰部份都做得好好，師傅嘅燒烤技巧好高，魷魚剛剛熟，但係D魷魚邊又燒到少少燶，咁先至夠香。燒粟米都幾好食，舊粟米好甜，都燒得夠乾身，不過如果燶多少少應該會更加好食，會再香D。燒阿根廷安格斯牛肉雖然一碟加埋一要差唔多$220，不過又真係比平時食到的什麼安格斯呀和牛嗰D嘅牛肉味更濃郁，咬落少少煙韌，好適合要黎燒。