南亭 (源遠街)

營業中

休息中

幫朋友攪生日，因為壽星女同我都往跑馬地，同埋班朋友愛熱閙，所以訂了成日幫襯的南亭。係十二月中，同相熟店員訂包場，佢話要四千蚊訂同八千蚊最低消費。心諗八千蚊唔計酒水都一定過啦。當時人數二十人，我話會再加人數的，仲叫佢當日唔好接訂枱，一來朋友們想盡慶，二來想廚房可以出食物快點。到一月三號，人數加到二十八人，經理仲話免切旦羔同開瓶，當時仲想自己係熟客，點知睌飯就出事。一月六號七點，到場才知原來不是包埸，只係普通訂位，仲要的位係迫過以前。唔特止一個人都未到，已經將燒好的鷄翼上碟。佢地話從無答應包全埸，又話包埸不是這個價錢。但解釋不到點解要收四千蚊訂。好在我朋友有修養無同佢嘈，但因為地方太少，強行加插的坐位太迫，變成整晩都要企係度食。又因為廚房出食物慢，有成三次食煙時間。鷄翼無味，蘆荀煙肉卷同鵝肝又老。服務更加差，換碟慢，表現不耐煩，大佬張單成兩萬幾，多謝都無聲，老麥都好招呼過你。又食唔飽，又坐得唔舒服。好在壽星女無詐我形。不過以後無咗我地呢班會存酒，過年派利是的熟客同整臭你老闆個朶了。