麵包秀 (德興大廈) (已結業)

間唔中都收到一啲相熟食友嘅零食、曲奇、朱古力……等等小禮物，收麵包都喺第一次，食友話試過好好味，所以都醒一條俾我試試，認真多謝晒。雖然，平日都食唔少麵包，不過，一向都好少為麵包寫食評，不過，今次因為收到喺食友心意，所以，都認認真真寫番篇。麵包出自「麵包秀」（Bread Show）嘅產品，確實名稱喺乜就唔太清楚，因為食友都無特別提及，不過，大概喺提子多穀麥包之類，因為，麵包外層沾滿黑白芝麻、瓜子仁、杏仁片……等等，極具口感。麵包內一圈圈捲形咁款，捲住超多提子及車厘子肉，亦有少少芝麻、瓜子仁等，餡料多到唔講得笑，而麵包本身亦頗軟熟，烘番熱嚟食，寧捨香軟。真喺多謝食友，讓小弟有個咁飽足嘅早餐！至於，麵包秀能否成為後起之秀，就要拭目以待嘞。