La Rotisserie (禧利街) (已結業)

見到熊貓外賣滿150蚊有7折，所以就食下，大概30分鐘左右就到，個apps話出餐果陣已經到咗門口😂叫左兩人套餐，有半隻鴨，兩款配菜，揀左薯容同薯角。全部嘅賣相都一般，但味道唔錯。薯容好香牛油味，口感煙韌唔太粉，仲好大兜。薯角凍左唔脆，重香料味，係苦苦地嘅。半隻鴨，斬開四大件，用手食幾過癮，鴨味濃，胸部一舊少鞋一舊唔鞋，但無咩肉汁。兩個人但都知會唔夠食，叫多半隻雞，唔大隻，雞嘅香料味多啲，肉都係少鞋少肉汁，不過好似西方嘅燒雞鴨都係咁？做雞黎講都係祖國有辦法😂仲叫左法式蛋批，好香不過都好濟，有芝士，忌廉，洋蔥，幾好食。最後甜品係朱古力批，好濃朱古力味，夠濕潤，係大舊嘅布朗尼蛋糕咁，當然都係好濟😂兩個人最後叫左齊頭300蚊，外賣黎講價錢合理，質素都中上，可以一試。