泰風SO

營業中

休息中

經常都幫襯呢間鋪頭嘅泰式甜品，今日就第一次買飯嚟試下。$35一盒泰式肉碎飯（唔係太肯定個菜式名，但係大致上係咁上下）份量方面就冇得挑剔，＄35有一大盒滿滿嘅飯，一定可以醫飽肚但係喺味道方面就普通咗d。米稍為偏硬左少少，煎蛋亦都只係一隻普通嘅煎蛋，唔好期望有流心嘅效果；肉碎嘅份量唔算十分足夠，未夠撈飯撈到底而炒肉碎裏面仲有d豆角碎同埋一d辣椒碎，辣椒碎辣嘅程度比我想像中高出好多，食到我流汗又流鼻水。食完盒飯之後我嘅感想就係得個辣字，發現唔到呢盒飯其他嘅美味，有d可惜。