影片
更多
2015-01-25
2212 瀏覽
幾個月前，同朋友嚟過「醉串」，試咗多款串燒，如：串燒五花腩、燒雞軟骨、燒羊架 、燒牛舌、燒鱔串、燒牛油粟米……等等，三幾個老友吃吃喝喝，談談飲食，「醉」緊要啱玩 。今次再訪，喺因為見佢推出咗個熱辣辣嘅火鍋，唔使主食淨得串燒一瓣，讓人貪心啲，得吋進呎，又串燒，又火鍋 。環境唔講太多，上次食評都有分享，總之一室摩登簡約，白枱白櫈白磚牆，予人光潔企理。高腳枱櫈，方便把酒談心，其他枱椅，方便用餐。雖然餐廳內放咗唔少日本吟釀、韓國真露，可惜小弟一向唔好酒，所以，只有齋睇。上次提及過嘅晌Facebook或Instagram，讚吓好，打吓卡，就有一客免費小吃，依個推廣原來仲生效，有著數當然唔好嘥啦 。 乳酸梳打 $98（1L） 上次試過款巨峰梳打，覺得幾好，所以，今次輪到個乳酸梳打，冰涼酸甜，OK喎，邊食串燒邊飲，有種去油膩嘅感覺。此外，點菜紙仲列咗幾款新嘢飲，甚麼彩虹荔枝梳打、青檸梳打、椰青珍珠冰，都幾有新鮮感。上次嚟都未有好正式嘅餐牌，都喺靠啲簡簡陋陋嘅點菜式，然而，今次就見到有印刷好精美嘅餐牌，圖文並茂。 日式柚子凍蕃茄 $22 先以啲冷盤小食開開胃，日式柚子凍蕃茄喺翻兜上次
環境唔講太多，上次食評都有分享，總之一室摩登簡約，白枱白櫈白磚牆，予人光潔企理。高腳枱櫈，方便把酒談心，其他枱椅，方便用餐。
雖然餐廳內放咗唔少日本吟釀、韓國真露，可惜小弟一向唔好酒，所以，只有齋睇。
上次提及過嘅晌Facebook或Instagram，讚吓好，打吓卡，就有一客免費小吃，依個推廣原來仲生效，有著數當然唔好嘥啦 。
乳酸梳打 $98（1L） 上次試過款巨峰梳打，覺得幾好，所以，今次輪到個乳酸梳打，冰涼酸甜，OK喎，邊食串燒邊飲，有種去油膩嘅感覺。此外，點菜紙仲列咗幾款新嘢飲，甚麼彩虹荔枝梳打、青檸梳打、椰青珍珠冰，都幾有新鮮感。
乳酸梳打
$98
22 瀏覽
0 讚好
0 留言
日式柚子凍蕃茄 $22 先以啲冷盤小食開開胃，日式柚子凍蕃茄喺翻兜上次嘅選擇，蕃茄薄切，配以柚子胡麻汁，糝些少芝麻，清爽酸香，果然頗醒胃。
日式柚子凍蕃茄
$22
20 瀏覽
0 讚好
0 留言
相當滑溜嘅豆腐果然無點錯，淋上芝麻醬，加啲木魚絲，豆腐入口清香嫩滑，芝麻醬濃郁，值得試試。
麻醬冷豆腐
$18
27 瀏覽
0 讚好
0 留言
無想過串燒店有如此精緻嘅小食，小小木盒盛載住丁方一粒粒嘅鮟鱇魚肝，喺店家近日推介嘅新菜式。粉嫩嘅魚肝，雖未至於好似鵝肝咁入口即溶，但質感綿密，油潤軟滑，又無咩腥味，真喺唔錯。
鮟鱇魚肝
$58
11 瀏覽
0 讚好
0 留言
喺咪咁好食呀？轉個頭返嚟就無咗串有機甜蕃薯及燒豬大腸！煙肉嘅油脂滲入多汁嘅荔枝肉內，清甜中有份油香，整體又唔會太油膩，喺近年常見嘅串燒組合；甜蕃薯驕小得意，一串4粒，口感粉綿甜蜜；而豬大腸確喺非常之肥，但外皮幾脆，又有嚼勁，極富油香，可是一口都喺罪惡滿盈，淺嚐一粒夠皮嘞，所以，希望店方改改，唔好兩串起。
煙肉荔枝串、燒日本有機甜蕃薯、燒豬大腸
38 瀏覽
0 讚好
0 留言
燒雞腎唔會有多大特別，只喺友人嘅喜好，所以，點嚟過過口癮。
燒雞腎
$16
24 瀏覽
0 讚好
0 留言
最鍾意佢將隻雞翼拆開嚟燒，做成單骨樣，方便易食，而雞中翼燒得頗香脆，皮脆肉嫩。
燒雞中翼
$18
23 瀏覽
0 讚好
0 留言
雖然製法簡單，但好味就得喇，金菇充滿蒜蓉及牛油香味，只要唔手緊落多少少蒜蓉、牛油，都難做得唔好食，而且，以燒焗方式做，無咁「熱氣」呢！
蒜蓉牛油焗金菇
$48
36 瀏覽
0 讚好
0 留言
上次因為新張優惠價試咗個日式波士頓龍蝦芝士火鍋，天寒地凍，食個火鍋就仲正，正正店家推出緊個壽喜燒，有梅花豚肉壽喜燒（$168）及極品海鮮鍋（$228），兩款都可以配長金泡菜或北國醬油湯或。
嘩嘩嘩！睇個賣相已經好期待喇，一鍋放滿虎蝦、帶子、生蠔、八爪魚，不愧稱為「極品」，甚有睇頭，以及多種野菜，如金菇、冬菇、豆腐、小棠菜、娃娃菜……等等，豐富至極 ；我哋選上北國醬油，湯頭清清甜甜，因為啲海鮮用料不賴，鮮味盡出，尤其虎蝦、帶子，新鮮爽甜。湯底唔好嘥，追加客冷烏冬（$22）墊墊肚，最好不過。
壽喜燒極品海鮮鍋
$228
41 瀏覽
0 讚好
0 留言
簡單棉花糖夾餅作結，只喺滿足一下嗜甜嘅心靈，疑似半溶嘅棉花糖，配香脆嘅梳打餅，令我想起細個時嘅麥芽糖夾餅，脆香與甜蜜嘅結合。
棉花糖夾餅
$16
22 瀏覽
0 讚好
0 留言
張貼
