北海道牧場餐廳 (已結業)

話說我係一個超級路癡，再加上兩年冇返尼香港，的確已經唔記得咗去依間牧場餐廳嘅路線。只係記得要行一條斜坡，再上樓先食到佢。幾經辛苦，終於到啦！我今次點咗個忌廉雞湯麵全餐。當然有我最愛「有蛋汁」嘅蘑菇炒蛋，火腿雞湯麵，牛油多士，同埋當然唔少得杯凍奶茶啦！依間餐廳平時去食會好多人，但只要過咗食飯時間，人潮慢慢散，成間餐廳即刻靜哂。對於中意寧靜嘅我，嗰環境的確一流嫁。侍應仲好好服務，雖然啲嘢食有少少出錯，都會好快幫我換咗佢。間餐廳最吸引到我嘅當然係佢嘅「有蛋汁」嘅炒蛋啦！加埋啲蘑菇汁，真係好正！我會建議大家塊多士叫佢地走牛油，因為可以點啲包落蘑菇醬到，當然係冇咁肥啦！一啖蛋，一啖蘑菇包，哈哈至高享受～嗰麵一啲都唔差，雖然係公仔麵，但係配埋嗰湯底，絕配，用公仔麵先似番個常餐嫁嘛！最後係佢杯凍奶茶，甜度適中，天氣咁熱，真係需要杯凍嘢解吓渴。